'తగ్గేదే..లే' అంటూ రికార్డులు బ్రేక్ చేసిన పుష్పారాజ్..!

టాలీవుడ్ స్టైలిష్ స్టార్ అల్లు అర్జున్ కథానాయకుడిగా తెరకెక్కుతున్న భారీ చిత్రం పుష్ప. ఇటీవలే అల్లు అర్జున్ పుట్టినరోజు సందర్బంగా చిత్రబృందం సినిమా నుండి హీరో ఇంట్రడక్షన్ వీడియో రిలీజ్ చేసింది. ప్రస్తుతం పుష్పారాజ్ ఇంట్రడక్షన్ వీడియో యూట్యూబ్ వేదికగా రికార్డులు క్రియేట్ చేస్తోంది. ఇప్పటికే ఫుల్ ఫామ్ లో ఉన్నటువంటి పుష్పారాజ్ ఇంట్రడక్షన్ వీడియో.. కేవలం విడుదలైన 20 రోజుల్లో 50 మిలియన్స్ వ్యూస్ రాబట్టి టాలీవుడ్ లోనే ఫాస్ట్ 50మిలియన్స్ బ్రేక్ చేసిన సినిమాగా నిలిచింది. ఇప్పటికి 50మిలియన్స్ వ్యూస్ తో పాటు 1.2మిలియన్స్ పైగా లైక్స్ దక్కించుకొని ట్రెండింగ్ లో ఉంది. ప్రస్తుతం అల్లు అర్జున్ కెరీర్లోనే అత్యధిక వ్యూస్ సొంతం చేసుకున్న వీడియోగా పుష్పారాజ్ ఇంట్రడక్షన్ రికార్డు దక్కించుకుంది.

పుష్పారాజ్ వీడియో యూట్యూబ్ ట్రెండింగ్ అగ్రస్థానంలో ఉండటం విశేషం. “ది ఇంట్రడక్షన్ ఆఫ్ పుష్పారాజ్” వీడియోతో సుకుమార్ బృందం అల్లు ఫ్యాన్స్ కు అదిరిపోయే ట్రీట్ ఇచ్చిందని చెప్పాలి. అయితే యూట్యూబ్ ఇంట్రడక్షన్ వీడియోలలో పుష్పారాజ్ స్టార్ హీరోలను బీట్ చేసింది. ఈ వీడియో సోషల్ మీడియాలో తగ్గేదేలే అంటూ రికార్డులు వెనకేసుకుంటుంది. సుకుమార్ దర్శకత్వం వహిస్తున్న ఈ సినిమాను మైత్రి మూవీస్ వారు భారీ బడ్జెట్ తో నిర్మిస్తున్నారు. పాన్ ఇండియా స్థాయిలో రూపొందుతున్న ఈ సినిమాలో అల్లు అర్జున్ సరసన రష్మిక మందన హీరోయిన్ గా నటిస్తోంది. దేవిశ్రీ ప్రసాద్ సంగీతం అందిస్తున్న ఈ సినిమా అడవిలో ఎర్రచందనం స్మగ్లింగ్ నేపథ్యంలో తెరకెక్కుతోంది. ఆగష్టు 13న సినిమా థియేట్రికల్ రిలీజ్ కాబోతుంది.