పుష్ప‌రాజ్ వ‌య‌సు 40.. త‌న‌ మ‌ద‌ర్ ఏజ్ 42

స్టైలిష్ స్టార్ అల్లు అర్జున్ న‌టించిన `పుష్ప‌- ది రైజ్` పాన్ ఇండియా కేట‌గిరీలో విడుద‌లై సంచ‌ల‌న విజ‌యం న‌మోదు చేసిన సంగ‌తి తెలిసిందే. ఒమిక్రాన్ నుంచి ఎస్కేప్ అయిన సినిమాల జాబితాలో పుష్ప పేరు చేరింది. అఖండ త‌ర్వాత పుష్ప ఆ త‌ర్వాత శ్యామ్ సింగ‌రాయ్ ఒమిక్రాన్ నుంచి ఎస్కేప్ అయ్యి మంచి రిజ‌ల్ట్ ని అందుకున్నాయి. పుష్ప ను నిర్మించిన మైత్రి వాళ్లు అదృష్ట‌వంతులు అన్న చ‌ర్చ సాగుతోంది.

అదంతా అటుంచితే అల్లు అర్జున్ ఏజ్ ఎంతో గుర్తు చేస్తూ.. పుష్ప రాజ్ మ‌మ్మీ ఓ యూట్యూబ్ చానెల్ తో మాట్లాడిన స‌ర‌దా సంభాష‌ణ వైరల్ గా మారుతోంది. మూవీలో ఓ సీన్ అది. కార్ కొని ఆ కార్ లో త‌న మ‌ద‌ర్ క‌ల్ప‌ల‌త‌తో క‌లిసి పుష్ప‌రాజ్ ప్ర‌యాణిస్తుంటాడు. అయితే ఆ షాట్ తెర‌కెక్కించేప్పుడు ...`` అమ్మా మీ ఏజ్ ఎంత‌?`` అని బ‌న్నీ అడిగార‌ట‌. తన‌నేంటి అలా అడిగేశాడు! అంటూ స‌ద‌రు క్యారెక్ట‌ర్ ఆర్టిస్టు క‌ల్ప‌ల‌త కంగారు ప‌డ్డారు. ఏం కంగారు ప‌డొద్ద‌మ్మా? అంటూ మ‌ళ్లీ మ‌ళ్లీ అదే ప్ర‌శ్న‌ను అడిగార‌ట బ‌న్ని.

త‌న ఏజ్ 42 అని త‌న‌కు ఇద్ద‌రు పిల్ల‌లు ఉన్నార‌ని క‌ల్ప‌ల‌త తెలిపారు. నా కంటే మీ ఏజ్ రెండేళ్లే త‌క్కువ! అంటూ బ‌న్నీ అస‌లు సంగ‌తి చెప్పారు. అంటే త‌న‌కు త‌ల్లిగా న‌టించిన ఆర్టిస్టు వ‌య‌సు త‌న కంటే రెండేళ్లే ఎక్కువ‌! అన్న‌ది బ‌న్నీని ఆశ్చ‌ర్య‌ప‌రిచింది. అది తెలుసుకున్న త‌ర్వాత స‌ద‌రు మ‌హిళా ఆర్టిస్టుకు కూడా షాకింగ్ గానే అనిపించిందిట‌. ఏదేమైనా ఆమె యూట్యూబ్ ఇంట‌ర్వ్యూలో బ‌న్నీ ఏజ్ 40 అంటూ గుర్తు చేసింది. అయినా మేక‌ప్ తో ఆర్టిస్టుల ఏజ్ ని మార్చేస్తూ బోలెడంత మ్యాజిక్ చేస్తున్నారు. ఈరోజుల్లో ఇది చాలా సింపుల్ కూడా.

పుష్ప పార్ట్ 2 ఫిబ్ర‌వ‌రి నుంచి సెట్స్ పైకి వెళుతుంద‌ని సుకుమార్ ప్ర‌క‌టించిన సంగ‌తి తెలిసిందే. పార్ట్ -1 ఘ‌న‌విజ‌యం నేప‌థ్యంలో రెండో భాగంపైనా భారీ అంచ‌నాలేర్ప‌డ్డాయి. పార్ట్ 2లోనే పాత్ర‌ల‌న్నిటినీ పూర్తి స్థాయిలో ఎలివేట్ చేస్తామ‌ని క‌థంతా అందులోనే ఉంటుంద‌ని సుకుమార్ తెలిపారు.