తోడేళ్లతో ఫైట్ చేయనున్న పుష్పరాజ్..?

సుకుమార్‌ - అల్లు అర్జున్‌ కాంబినేషన్ లో 'పుష్ప' అనే హ్యాట్రిక్ మూవీ తెరకెక్కుతోన్న సంగతి తెలిసిందే. ఎర్ర చందనం స్మగ్లింగ్‌ నేపథ్యంలో రానున్న ఈ చిత్రంలో బన్నీ లారీ డ్రైవర్‌ పుష్పరాజ్ పాత్రలో కనిపించనున్నాడు. ఇందులో రష్మిక మందన్నా హీరోయిన్ గా నటిస్తోంది. మైత్రీ మూవీ మేకర్స్ మరియు ముత్యంశెట్టి మీడియా పతాకాలపై ఈ సినిమా రూపొందుతోంది. పాన్ ఇండియా లెవల్లో తెలుగు, తమిళం, మలయాళం, కన్నడం, హిందీ భాషల్లో ఈ చిత్రాన్ని ఆగస్టు 13న విడుదల చేయనున్నారు. షూటింగ్ దశలో ఉన్న ఈ చిత్రానికి సంబంధించి ఓ న్యూస్ ఫిలిం సర్కిల్స్ లో చక్కర్లు కొడుతోంది.

'పుష్ప' సినిమాలో అల్లు అర్జున్ ఓ సీన్ లో తోడేళ్లతో ఫైట్ చేయబోతున్నాడట. సుమారు పది నిమిషాల పాటు ఉండే ఈ యాక్షన్ సీక్వెన్స్ ని హాలీవుడ్ లెవల్ లో డిజైన్ చేశారట. ఈ ఫైట్ తోనే బన్నీ ఇంట్రడక్షన్ ఉండబోతోందట. ఇదిలా ఉండగా ఈ సినిమా షూటింగ్ తూర్పు గోదావరి జిల్లా మారేడుమిల్లి, రంపచోడవరం అటవీ ప్రాంతంలో జరిపారు. అక్కడ కొన్ని యాక్షన్ సీక్వెన్స్‌ - సాంగ్ తో పాటు కొన్ని కీలక సన్నివేశాలను చిత్రీకరించారు. ఇటీవలే ఈ సుదీర్ఘమైన షెడ్యూల్ పూర్తి చేసినట్లు మేకర్స్ ప్రకటించారు. ఈ చిత్రానికి రాక్ స్టార్ దేవిశ్రీ ప్రసాద్ సంగీతం అందిస్తుండగా.. మిరోస్లా కుబా బ్రోజెక్ సినిమాటోగ్రాఫర్ గా వ్యవహరిస్తున్నాడు.