పీపుల్స్‌ స్టార్‌ కూడా పవర్‌స్టార్‌ ఫ్యానే

ప్రతీ ఒక్కడూ పవర్‌స్టారే ఫ్యానే అంటూ అప్పట్లో పూరి జగన్‌ ''ఇద్దరమ్మాయిలతో'' సినిమాలో ఒక డైలాగ్‌ రాశాడు. చూస్తుంటే ఈ డైలాగ్‌ అక్షరాలా నిజం అనే అనిపిస్తోంది. అందుకే కదా.. ఇప్పుడు దాదాపు ప్రతీ టాప్‌ హీరో కూడా పవన్‌ కళ్యాణ్‌ ఫ్యానే అంటున్నారు. ఇక వీరందరూ ఒకత్తెయితే.. పీపుల్స్‌ స్టార్‌ ఆర్‌.నారాయణమూర్తి కూడా పవన్‌ కళ్యాణ్‌ ఫ్యాన్‌ కావడం మరో ఎత్తు. పదండి ఓ లుక్కేద్దాం.

నిజానికి ఆర్‌.నారాయణమూర్తి అసలు సినిమా ఈవెంట్స్‌లో ఎక్కడా పెద్దగా కనిపించరు. ఆయన ఎప్పుడూ ఇందిరానగర్‌లోని తన ఇంటికే పరిమితం అయిపోతాడు. వీలైతే సినిమాలు తీస్తారు. లేకపోతే సైలెంట్‌గా ఉంటారు. ఇకపోతే ఈరోజు సాయంత్రం విడుదలవనున్న ''రేయ్‌'' సినిమా స్పెషల్‌ పవనిజం సాంగ్‌ లాంచ్‌కు ఆర్‌.నారాయణమూర్తి వివిష్ఠ అతిథిగా హాజరవుతున్నారు. అసలు ఈయన స్పెషల్‌ గెస్ట్‌గా వచ్చి సాంగ్‌ లాంచ్‌ చేయడం ఏంటి అని సందేహిస్తున్న వారందరూ ఇప్పుడు ఈ క్లారిటీ వినాల్సిందే.

''నారాయణమూర్తి గారు కూడా పవన్‌ కళ్యాణ్‌ ఫ్యానే. ముఖ్యంగా జనసేన పార్టీని స్థాపించి పవన్‌ తనదైన శైలిలో లోకకళ్యాణం కోసం అన్నట్లు స్పీచులు ఇస్తుంటే, ఆ స్పీచుల్లోని నిజాయితీ మూర్తిగారికి తెగ నచ్చేసింది'' .. అని ఒక సన్నిహితుడు చెప్పడం జరిగింది. మరి నారాయణమూర్తి వస్తున్నారంటే మామూలు విషయంకాదు.