రా రా రెడ్డి .. ఐయామ్ రెడీ! అంటున్న అంజ‌లి!!

నితిన్ క‌థానాయ‌కుడిగా న‌టిస్తున్న చిత్రం `మాచ‌ర్ల నియోజ‌క‌వ‌ర్గం`. కృతి శెట్టి- కేథ‌రిన్ క‌థానాయిక‌లు. ఇందులో అందాల తెలుగ‌మ్మాయ్ అంజ‌లి ప్ర‌త్యేక గీతంలో న‌ర్తిస్తున్న సంగ‌తి లీకైంది. ఇంత‌కుముందే పోస్ట‌ర్ రివీల్ కాగా అంజ‌లి హాటెస్ట్ లుక్ పై అభిమానులు జోరుగా కామెంట్లు చేసారు.

తాజాగా లిరిక్ ని కూడా టీమ్ రివీల్ చేసింది. ఈ పాట లిరిక్ కూడా ఇంట్రెస్టింగ్ గా సాగ‌నుంది. ఏపీ- తెలంగాణ‌లో ఒక క‌మ్యూనిటీని కూడా ఇది ట‌చ్ చేయ‌బోతోంది. పైగా ఇది చిత్ర క‌థానాయ‌కుడు.. ద‌ర్శ‌కుడి క‌మ్యూనిటీతో ముడిపడిన లిరిక్ కావ‌డం ఒక‌టే చ‌ర్చ‌కు తెర తీయ‌నుంది.

ఇంత‌కీ ఈ లిరిక్ ఏమిటీ! అంటే.. ``రారా రెడ్డి.. ఐ యామ్ రెడీ!`` అంటూ సాగే పాట‌ను లిరిసిస్ట్ ఎంతో స్పైసీగా అందించార‌ట‌. దీనికి మ‌హ‌తి స్వ‌ర‌సాగ‌ర్ సంగీతం అందించారు.

ఈ మూవీ ప్రీ లుక్ ను రివీల్ చేయ‌గా వైర‌ల్ అయ్యింది. ఇప్పుడు మేకర్స్ పాటను లాంచ్ చేసే సమయాన్ని ప్రకటించడానికి మరో పోస్టర్ ను ఆవిష్కరించారు. ఈ పోస్టర్‌లో రారా రెడ్డి.. ఐయామ్ రెడీ! పాట రివీలైంది. ఈ నెల 9న ఈ పాట విడుదలవుతుంది.

పోస్టర్ లో అంజలి కొంటెగా పోజులిచ్చి హాట్ గా కనిపిస్తోంది. త‌ను ఎన‌ర్జిటిక్ నితిన్ తో క‌లిసి స్టెప్పు వేయ‌నుంద‌ని అర్థ‌మ‌వుతోంది. శ్రేష్ట్ మూవీస్ ప‌తాకంపై ఈ పొలిటికల్ యాక్షన్ థ్రిల్లర్ ని నిఖితారెడ్డి నిర్మిస్తున్నారు. ఎంఎస్ రాజశేఖర్ రెడ్డి దర్శకత్వం వ‌హిస్తున్న ఈ మూవీ ఆగస్టు 12న విడుదల కానుంది.