పర్లేదు.. గ్లామర్ పాత్రలు చేస్తుందట

టాలీవుడ్ లో హీరోయిన్స్ మధ్య పోటీ ఏ స్థాయిలో ఉందో ప్రత్యేకంగా చెప్పనక్కర్లేదు. అందంగా ఉన్న హీరోయిన్స్ కంటే చాలా వరకు సక్సెస్ ట్రాక్ లో ఉన్న నటీమణులనే దర్శకనిర్మాతలు ఎంచుకుంటున్నారు. ప్రస్తుతం తెలుగులో రకుల్ - లావణ్య లాంటి హీరోయిన్స్ మాత్రం జయపజయాలతో సంబందం లేకుండా సినిమాలను చేస్తున్నారు. అయితే రాశి ఖన్నా మాత్రం తనకి ఎవరు పోటీ లేరని చెబుతోంది. ఎందుకని అంటే.. వారిద్దరూ నాకు మంచి స్నేహుతులని స్వీట్ ఆన్సర్ ఇచ్చింది.

రాశి టలీవుడ్ లో చాలా కాలంగా సినిమాలను చేస్తోన్నా ఇంకా సరైన బాక్స్ ఆఫీస్ హిట్ అందుకోవడం లేదు. అయితే టచ్ చేసి చూడు సినిమాతో మాత్రం బాక్స్ ఆఫీస్ హిట్ పక్కా అంటోంది. ఫిబ్రవరి 9న రిలీజ్ కాబోతోన్న సందర్భంగా రాశి ఇచ్చిన ఇంటర్వ్యూలో సినిమా గురించి కొన్ని ముఖ్యమైన విషయాలను తెలిపింది. రాశి మాట్లాడుతూ..సినిమాలో నా పాత్ర చాలా కొత్తగా ఉంది. చాలా కామెడీగా కూడా ఉంటుంది. సుప్రీమ్ సినిమాలో బెల్లం శ్రీదేవి ఎలా క్లిక్ అయ్యిందో టచ్ చేసి చూడు సినిమాలో పుష్ప అనే పాత్ర కూడా అదే రేంజ్ లో క్లిక్ అవుతుంది. కాకపోతే ఆ రెండు పాత్రలకు చాలా వ్యత్యాసం ఉంది అంటోంది.

'రవితేజతో వర్క్ చేయడం నిజంగా చాలా హ్యాపీగా ఉంటుంది. నెక్స్ట్ ఆయనతో ఛాన్స్ వస్తే అసలు నో చెప్పాను. ఆయన కొన్ని సలహాలను కూడా ఇస్తుంటారు' అంటూ చెప్పింది రాశి. ఇక తొలి ప్రేమ సినిమాలో కూడా త్రి షేడ్స్ ఉండే రోల్ లో కనిపించబోతున్నట్లు వివరించింది. కెరీర్ గురించి మాట్లాడుతూ.. గ్లామర్ తో పాటు పాత్రకు ప్రాధాన్యం ఉన్న సినిమాలను చేయడంలో ఎక్కువగా ఇంపార్టెన్స్ ఇస్తున్నా అని రాశి తెలిపింది. ఈ మధ్యకాలంలో గ్లామర్ పాత్రల మీద తాప్సీ రకుల్ వంటి భామలు తెగ కామెంట్లు చేస్తున్న నేపథ్యంలో.. రాశి మాత్రం పర్లేదు చేస్తా అనడం కాస్త ఆశ్చర్యమే.