ఫొటో స్టోరీ : సిగ్గులోన ఎంత అందం

'ఊహలు గుసగుసలాడే' చిత్రంతో తెలుగు ప్రేక్షకులకు పరిచయం అయిన ముద్దుగుమ్మ రాశి ఖన్నా మొదటి సినిమాతోనే ఆకట్టుకుంది. ఆ చిత్రంలో కాస్త బొద్దుగా కనిపించిన రాశి తెలుగు వారి కోసం చాలా బరువు తగ్గింది. సినిమా సినిమాకు తన నటన ప్రతిభ పెంచుకుంటూ అందాల విందు చేస్తున్న ఈ అమ్మడు తెలుగు తమిళంలో కలిపి అరడజను సినిమాలు చేస్తోంది. తెలుగులో ఈమె నటించిన మెగా మూవీ 'ప్రతి రోజు పండుగే' అతి త్వరలో విడుదల కాబోతుంది. ఆ సినిమా ప్రమోషన్స్‌ కోసం ఫొటో షూట్‌ చేసింది.

రాశి పోస్ట్‌ చేసిన ఫొటో షూట్‌ స్టిల్స్‌ కు ఆమె ఫ్యాన్స్‌ ఫిదా అవుతున్నారు. రాశి ఖన్నా ట్రెడీషనల్‌ డ్రస్‌ లో సిగ్గు పడుతూ చాలా అందంగా కనిపిస్తుంది. సిగ్గులోన ఎంత అందం అంటూ నెటిజన్స్‌ ఈమె ఫొటోలకు కామెంట్స్‌ పెడుతున్నారు. క్లోజప్‌ షాట్స్‌ లో కొందరు అంత అందంగా కనిపించరు. కాని రాశిఖన్నా మాత్రం క్లోజప్‌ షాట్స్‌ లో లాంగ్‌ షాట్స్‌ కన్నా ఎక్కువ అందంగా కనిపిస్తుందని కూడా ఆమె అభిమానులు అంటున్నారు.

ప్రస్తుతం ఈమె తెలుగులో ప్రతి రోజు పండుగే.. వెంకీ నాగచైతన్యల మల్టీస్టారర్‌ మూవీ 'వెంకీ మామ' మరియు విజయ్‌ దేవరకొండ 'వరల్డ్‌ ఫేమస్‌ లవర్‌' చిత్రంలో ఒక హీరోయిన్‌ గా నటిస్తోంది. ఇక తమిళంలో సంగతమిజన్‌.. కడైసి వివసాయి.. సైతాన్‌ కా బచ్చా చిత్రాల్లో నటిస్తోంది. ఇవి కాకుండా ఇంకా పలు సినిమాలు చర్చల దశలో ఉన్నాయి. ప్రస్తుతం యంగ్‌ హీరోల మోస్ట్‌ వాంటెడ్‌ హీరోయిన్‌ గా ఈ అమ్మడు వరుస సినిమాల్లో నటిస్తూ దూసుకు పోతుంది.