#హోలీ సెల‌బ్రేష‌న్: చిన్న పిల్ల‌లా రాశీ ఆ అల్ల‌రేమిటి?

జ‌యాప‌జ‌యాల‌తో సంబంధం లేకుండా వ‌రుస‌గా అవ‌కాశాలు అందుకుంటున్న క‌థానాయిక‌ల్లో రాశీ ఖ‌న్నా పేరుంది. ఈ ఉత్త‌రాది భామ హైద‌రాబాద్ లో సెటిలై తెలుగు-త‌మిళ ప‌రిశ్ర‌మ‌ల్లో క‌థానాయిక‌గా న‌టిస్తున్న సంగ‌తి తెలిసిందే.

ఇక రాశీకి కుటుంబంతో ఉన్న ఎమోష‌న‌ల్ బాండింగ్ గురించి ఎంత చెప్పినా త‌క్కువే. తీరిక స‌మ‌యాల్లో మామ్ డాడీతో పాటు త‌న సోద‌రుడితోనూ ఫ‌న్ టైమ్ ని ఆస్వాధిస్తుంది. ఇంట్లో బోలెంత అల్ల‌ర‌ల్ల‌రి చేస్తుంటుంది. అందుకు సంబంధించిన ఫోటోలు వీడియోల్ని రాశీ ఇంత‌కుముందు షేర్ చేయ‌గా వైర‌ల్ అయ్యాయి. నేడు రంగుల పండుగ హోలీ డే ప్ర‌త్యేక సంద‌ర్భాన్ని ఒక రేంజులోనే సెల‌బ్రేట్ చేసింది.

ఒక దారానికి అటూ ఇటూ రెండు బాటిల్స్ ని వేలాడ దీసిన రాశీ.. ఆ దారాన్ని త‌న సోదరుడి చేతికి అందించింది. ఆ త‌ర్వాత అత‌డి రెండు చేతుల్లో ఉన్న దారంపై రంగులు నింపిన పేప‌ర్ ని ఉంచింది. ఆ త‌ర్వాత ఊహించ‌ని ట్విస్ట్. ఒక క‌త్తెరను తెచ్చి దారం క‌ట్ చేసింది. అంతే ఆ బాటిల్స్ రెండూ కింద ప‌డి ప‌గిలాయి. అత‌డి చేతిలో ఉంచిన రంగుల మిశ్ర‌మం ముఖంపైకి చిమ్మింది. షాక్ తిన్న సోద‌రుడు వెంట‌నే తేరుకుని రాశీ అల్ల‌రికి న‌వ్వేశాడు. త‌న‌ని ఆత్మీయ ఆలింగ‌నం చేసుకుని ప్రేమ‌ను కురిపించాడు. త‌న సోద‌రుడిని ఏడిపించేస్తూ చిన్న పిల్ల‌లా అల్ల‌రి చేసిన రాశీని చూసి సో క్యూట్.. కానీ కాస్త వైల్డ్ గా ఉంది అంతే! అంటూ అభిమానులు కామెంట్లు గుప్పిస్తున్నారు.. హోలీని ప‌ర్ఫెక్ట్ గా ఫ్యామిలీతో స్పెండ్ చేసిన రాశీ ఇంట్లో ఓ బోయ్ తోనూ అంతే ఇదిగా రంగులు చ‌ల్లి ఆడుకుంది. ప్ర‌తిసారీ హోలీ సెల‌బ్రేష‌న్ ని రాశీ ఇంతే అల్ల‌రిగా సెల‌బ్రేట్ చేస్తుంది.

రాశీ ప్ర‌స్తుతం గోపిచంద్ స‌ర‌స‌న ప‌క్కా క‌మ‌ర్షియ‌ల్ చిత్రంలో న‌టిస్తోంది. మారుతి ఈ చిత్రానికి ద‌ర్శ‌కుడు. ప్ర‌తిరోజు పండ‌గే త‌ర్వాత మారుతితో రాశీకి ఇది వ‌రుస‌గా రెండో ఆఫ‌ర్. మ‌రోవైపు తమిళ్ లో విశాల్ స‌ర‌స‌న టెంప‌ర్ రీమేక్ లో న‌టించాక .. ఐదు చిత్రాలకు క‌మిటై వాటిలో న‌టిస్తూ బిజీగా ఉంది.