ఫ్యామిలీ హీరోయిన్ ఆశలన్నీ ఆ సినిమాల మీదే !

ఓ హీరోయిన్ ఒకే జోనర్ లో రెండు మూడు సినిమాలు చేస్తే ఆమెకి ఆ జోనర్ ట్యాగేసేయడం సహజమే. ఇప్పుడు రాశీ ఖన్నాకు కూడా అలాంటి ట్యాగ్ వేసేసారు. అవును వరుస పెట్టి ఫ్యామిలీ ఎంటర్టైనర్ జోనర్ లో సినిమాలు చేస్తున్న రాశీ ను ఫ్యామిలీ హీరోయిన్ అనే పిలుస్తున్నారు ఆడియన్స్. గతేడాది 'శ్రీనివాస కళ్యాణం' లో కంప్లీట్ ట్రెడిషనల్ లుక్ లో కనిపించిన ఈ భామ ఇప్పుడు తన అప్ కమింగ్ సినిమాల్లో కూడా అదే లుక్ తో ఎట్రాక్ట్ చేస్తుంది.

ప్రస్తుతం రాశీ తెలుగులో రెండు ఫ్యామిలీ సినిమాల్లో నటిస్తుంది. అందులో ఒకటి 'వెంకీ మామ' కాగా మరొకటి 'ప్రతి రోజు పండగే' రెండు సినిమాల్లో అమ్మడు ట్రెడిషనల్ లుక్ లోనే ఎట్రాక్ట్ చేస్తుంది. అయితే శ్రీనివాస కళ్యాణం తో సూపర్ హిట్ అందుకుంటానని ఆశించిన రాశీకి ఆ సినిమా నిరాశే మిగిల్చింది. ఇక ప్రస్తుతం ఈ రెండు ఫ్యామిలీ సినిమాలతో ఇక అదే ట్యాగ్ లైన్ కి ఫిక్సయి సినిమాలు చేయాలనీ చూస్తుంది.

ఇక 'వెంకీ మామ'లో ఫస్ట్ టైం నాగ చైతన్య కి జోడీ గా నటిస్తున్న ఈ బ్యూటీ 'ప్రతి రోజు పండగే'తో రెండో సారి తేజ్ సరసన జత కడుతుంది. మరి ఈ రెండు సినిమాలు రాశీ కి ఎలాంటి హిట్స్ అందిస్తాయో చూడాలి.