ఫొటోటాక్‌ : పెళ్లి కూతురును ముద్దుల్లో ముంచేసిన రాశి

ఊహలు గుసగుసలాడే సినిమాతో హీరోయిన్‌ గా మంచి పేరు దక్కించుకున్న ముద్దుగుమ్మ రాశిఖన్నా టాలీవుడ్‌ కోలీవుడ్ లో బిజీ బిజీ గా సినిమాల్లో నటిస్తోంది. ఢిల్లీకి చెందిన ఈ ముద్దుగుమ్మ ప్రస్తుతం తన సోదరి పెళ్లి వేడుకల్లో హడావుడి చేస్తోంది. రెండు రోజులుగా వరుసగా సోదరి పెళ్లికి సంబంధించిన ఫొటోలు మరియు వీడియోలను షేర్‌ చేస్తూనే ఉంది. సిస్టర్‌ ఇచ్చిన పార్టీలో పాల్గొనడంతో పాటు ఆమెను ముద్దు పెట్టుకుంటూ దిగిన ఫొటోను షేర్ చేసింది. రాశి ఖన్నా షేర్‌ చేసిన ఈ ఫొటో వైరల్‌ అయ్యింది.

ఈ ఫొటోతో పాటు రాశి మరిన్ని ఫొటోలను కూడా షేర్‌ చేసి సిస్టర్‌ పెళ్లిలో తాను చేస్తున్న ఎంజాయ్‌ ను చూపిస్తుంది. రాశి తన సిస్టర్‌ మల్హోత్ర కృతి పెళ్లిని బాగా ఆస్వాదిస్తున్నాను అంటూ పదే పదే ఫొటోలు మరియు వీడియోలను షేర్‌ చేసి అభిమానులతో ఆనందాన్ని పంచుకుంటుంది. ఇక రాశి సినిమాల విషయానికి వస్తే ప్రస్తుతం తెలుగు మరియు తమిళంలో కలిపి నాలుగు అయిదు సినిమాల్లో నటిస్తుంది. ఆ సినిమాలు వచ్చే ఏడాది ప్రేక్షకుల ముందుకు వచ్చే అవకాశం ఉంది.