నాల్గవ సారి ఆమెతో రవితేజ

మాస్‌ మహారాజా రవితేజ మరి కొన్ని రోజుల్లో 'క్రాక్‌' సినిమాతో ప్రేక్షకుల ముందుకు వచ్చేందుకు సిద్దంగా ఉన్నాడు. ఇదే సమయంలో ఖిలాడీ సినిమాను పట్టాలెక్కించేందుకు ఏర్పాట్లు జరుగుతున్నాయి. రమేష్‌ వర్మ దర్శకత్వంలో రూపొందబోతున్న ఈ సినిమాలో రవితేజ ద్విపాత్రాభినయం చేయబోతున్నాడు. ఈ సినిమా కోసం ఇద్దరు ముద్దుగుమ్మలను రమేష్ వర్మ ఎంపిక చేసేందుకు చర్చలు జరుపుతున్నట్లుగా తెలుస్తోంది. ఇటీవలే దర్శకుడు రమేష్‌ వర్మ ముద్దుగుమ్మ రాశిఖన్నాతో చర్చలు జరిపినట్లుగా తెలుస్తోంది. రవితేజకు జోడీగా ఖిలాడి సినిమాలో ఆమె దాదాపుగా కన్ఫర్మ్‌ అయినట్లే అంటూ టాక్ వినిపిస్తుంది.

రవితేజ మరియు రాశిఖన్నాల జోడీ ఇప్పటికే మూడు సార్లు ప్రేక్షకుల ముందుకు వచ్చింది. బెంగాల్‌ టైగర్‌ మరియు టచ్‌ చేసి చూడు సినిమాల్లో రాశిఖన్నా హీరోయిన్‌ గా నటించగా రాజా ది గ్రేట్‌ సినిమాలో ఐటెం సాంగ్‌ చేసింది. ఇప్పుడు ఖిలాడీ సినిమాలో మరోసారి రవితేజ రాశిఖన్నాలు జత కట్టబోతున్నారు. ఈమద్య కాలంలో ఒక హీరో ఒకే హీరోయిన్‌ తో ఇన్ని సినిమాల్లో నటించడం అనేది చాలా అరుదుగా చూస్తూ ఉన్నాం. రాశిఖన్నాతో రవితేజ కాంబో బాగా వర్కౌట్‌ అవుతున్న కారణంగా మళ్లీ వీరిద్దరి కాంబో రాబోతుందేమో.

త్వరలోనే షూటింగ్‌ ప్రారంభం కాబోతున్న ఖిలాడీకి సాయి మాధవ్‌ బుర్ర డైలాగ్‌ వర్షన్‌ ను ఇప్పటికే పూర్తి చేశాడు. ఈమద్య కాలంలో మంచి ఫామ్‌ లో ఉన్న రచయిత సాయి మాధవ్ బుర్ర ఈ సినిమాకు వర్క్‌ చేస్తున్న నేపథ్యంలో అంచనాలు భారీగా ఉన్నాయి. మరి అంచనాలకు తగ్గట్లుగా ఈ సినిమాను రమేష్ వర్మ తీస్తాడా అనేది చూడాలి.