బ్రేక్ కోసం పద్యాలు 'రాశి'స్తోంది

టాలీవుడ్ లో రాశి ఖన్నా ఓ వెలుగు వెలగడం ఖాయమని గతంలో అంతా అంచనా వేశారు. ఫ్యూచర్లో స్టార్ హీరోయిన్ అయిపోతుందని ఎక్స్ పెక్ట్ చేశారు కానీ.. స్టార్ హీరోలతో అవకాశాలు దక్కించుకోవడంలో ఈ భామ వెనకపడిపోయిపోయింది. అయితే.. ఇప్పుడు ఓ కొత్త థీమ్ తో ప్రేక్షకుల ముందుకు రాబోతోంది. ఈ నెల 8న మహిళా దినోత్సవం సందర్భంగా 'బిలీవ్ ఇన్ యు' అనే పేరుతో ఓ వీడియోను రిలీజ్ చేస్తోంది రాశి ఖన్నా.

దీనికి సంబంధించి ఇవాళ సాయంత్రం ఓ టీజర్ కూడా విడుదల చేసింది. ఈ స్పెషల్ వీడియో గురించి చెబుతూ.. "ఇప్పుడు కాకపోతే మరెప్పుడు.. నేను కాకపోతే మరెవ్వరు" అంటూ ఓ మెసేజ్ ను కూడా పోస్ట్ చేసిన రాశి ఖన్నా.. దానితో పాటే ఓ లెటర్ లో తను రాసిన కవితను కూడా అందించింది. అవకాశాలు అందుకోవడంలో వెనకబడ్డా.. ఇంగ్లీష్ పద్యాలు రాయడంలో మాత్రం తనకు బాగా పట్టుందని ప్రూవ్ చేసుకుంది రాశి. కెరీర్ లో బ్రేక్ కోసం బాగానే రాసేసిందిలే.

"నా మసుసుకు ఎంతో నచ్చిన ఓ సబ్జెక్టును మహిళా దినోత్సవం సందర్భంగా మీకు అందిస్తూ ప్రొడక్షన్ లో కూడా అడుగు పెడుతున్నా. ఇది ఒక చిన్న అతి చిన్న విప్లవం అధారంగా నిర్మితమైంది" అంటూ టీజ్ చేసింది రాశి ఖన్నా. మరి ఈ బ్యూటీ ప్రయత్నాలు ఈ యాంగిల్ లో అయినా సక్సెస్ కావాలని కోరుకుందాం.

Like Us on Facebook : https://www.facebook.com/Tupakidotcom/