టెస్ట్ మ్యాచ్ కిస్సుకు రౌడీ హీరో.. రాశి రెడీ

టాలీవుడ్ లో అతి తక్కువ సమయంలో స్టార్డం దిశగా పయనించిన హీరో విజయ్ దేవరకొండ. టాలీవుడ్ మాత్రమే కాదు సౌత్ అంతా యూత్ ఆడియన్స్ లో విజయ్ దేవరకొండకు గుర్తింపు ఉంది. మరో విషయంలో కూడా విజయ్ కు గుర్తింపు భారీగా ఉంది. అవే కిస్సులు. బాలీవుడ్ సీరియల్ కిస్సర్ ఇమ్రాన్ హష్మి బాటలో విజయ్ కు టాలీవుడ్ సీరియల్ కిస్సర్ అనే బిరుదు వచ్చేసింది.

చాలామంది హీరోలు లిప్ లాకులకు దూరంగా ఉంటారు. కొందరు చేసినా వాటిలో కళాత్మకత మిస్ అవుతుంది. అయితే విజయ్ దేవరకొండ ఏ భామతో లిప్పులు లాక్ చేసినా ప్రేక్షకులు అలా చూస్తుండిపోయేలా ఉంటుంది. అందుకే ఫిలిం మేకర్లు అయనకు ముద్దులు తప్పనిసరి చేస్తున్నారు. త్వరలో రిలీజ్ కానున్న 'డియర్ కామ్రేడ్' టీజర్ లో రష్మిక తో ఆధర చుంబనం ఇప్పటికే సంచలనం సృష్టించింది. ఇవన్నీ T20 కిస్సులు. జస్ట్ కొన్ని సెకండ్స్ మాత్రమే ఉంటాయి. దీంతో T20.. వన్ డే ముద్దులుకాకుండా ఈసారి టెస్ట్ మ్యాచ్ చుమ్మా ప్లాన్ చేశారట నెక్స్ట్ సినిమా కోసం.

క్రాంతి మాధవ్ దర్శకత్వంలో తెరకెక్కుతున్న కొత్త సినిమా కోసం విజయ్ దేవరకొండ రాశి ఖన్నా మధ్య 2 నిముషాలకు పైగా సాగే మారథాన్ కిస్సును చిత్రీకరించనున్నారట. స్క్రిప్ట్ గట్టిగా డిమాండ్ చేయడంతో రాశి ఖన్నా కూడా వెంటనే ఒప్పుకుందని సమాచారం. ఈ కిస్సు లెంగ్త్ విషయంలో సౌత్ రికార్డ్ సృష్టించనుందట. మెయిన్ స్ట్రీమ్ సౌత్ సినిమాల్లో లాంగెస్ట్ కిస్సుగా చరిత్ర సృష్టిస్తుందట . ఈ ట్రెండ్ చూస్తుంటే 24 క్రాఫ్టులకు అవార్డులు ఇస్తున్నట్టుగా ఫ్యూచర్ లో కిస్సులను 25 వ క్రాఫ్ట్ గా చేర్చి.. కిస్సుల అవార్డులు కూడా ఇస్తారేమో. షార్టు కిస్సు.. లాంగు కిస్సు.. జిల్ జిల్ కిస్సు.. కస్సుబుస్సు కిస్సు అంటూ కేటగిరీలు పెడతారేమో..!