నందమూరి హీరోతో పంజాబీ భామ ఉగాది

పంజాబీ భామ రాశి ఖన్నాకు ఈ సారి ఉగాది పండుగను స్పెషల్ అనాల్సిందే. ఈ ఏడాది ఉగాదిని జూనియర్ ఎన్టీఆర్ తో కలిసి జరుపుకుంటోంది ఈ బ్యూటీ. ఇప్పటివరకూ వరుసగా పలు తెలుగు సినిమాల్లో నటించిన రాశి ఖన్నా.. తన కెరీర్ లోనే తొలిసారిగా పెద్ద స్టార్ హీరోతో నటిస్తోంది.

ఎన్టీఆర్ తో కలిసి నటిస్తుండడం.. అమ్మడి స్టార్ డ్రీమ్స్ ను తీర్చేస్తోందని చెప్పాలి. టాలీవుడ్ స్టాండర్ట్స్ ప్రకారం.. స్టార్ హీరోయిన్ స్టేటస్ అందుకోవాలంటే.. స్టార్ హీరోల పక్కన నటించడం తప్పనిసరి. అందుకే ఇప్పుడు రాశి ఖన్నా ఫుల్లు ఖుషీగా ఉంది. యంగ్ టైగర్ నటిస్తున్న జై లవ కుశ చిత్ర షూటింగ్.. ప్రస్తుతం అన్నపూర్ణ స్టూడియోస్ లో జరుగుతోంది. అక్కడే టీం మెంబర్స్ తో కలిసి ఉగాది సెలబ్రేషన్స్ చేసేసింది రాశి ఖన్నా. అక్కినేని ఫ్యామిలీకి చెందిన అన్నపూర్ణ స్టూడియోస్ లో.. నందమూరి హీరోతో పండుగ వేడుకలు జరుపుకోవడం.. ఎప్పటికీ స్పెషల్ గానే ఉంటుంది.

నిజానికి మూడేళ్ల క్రితం వరకూ ఈ భామకు తెలుగు సంవత్సరాది సంగతి అస్సలు తెలీదు. అయితే.. 2014 ఊహలు గుసగుసలాడే సమయంలోనే ఈ సెలబ్రేషన్స్ చేసుకున్న రాశి ఖన్నా.. అప్పటి నుంచి ఏటేటా ఈ పండుగను షూటింగ్ స్పాట్ లోనే జరుపుకుంటూ ఉండడం విశేషం.

Like Us on Facebook : https://www.facebook.com/Tupakidotcom/