'రాధేశ్యామ్‌' మ్యూజికల్‌ టూర్ షురూ

ప్రభాస్ హీరోగా పూజా హెగ్డే హీరోయిన్ గా బ్యూటీఫుల్‌ లవ్ స్టోరీతో రాధాకృష్ణ దర్శకత్వంలో యూవీ క్రియేషన్స్ వారు నిర్మించిన రాధే శ్యామ్‌ సినిమా విడుదలకు సిద్దం అయ్యింది. భారీ అంచనాల నడుమ సంక్రాంతికి ఈ సినిమా ప్రపంచ వ్యాప్తంగా భారీ ఎత్తున విడుదల చేయబోతున్నారు. ఈ సినిమా ప్రమోషన్స్‌ ఇప్పటికే పీక్స్ లెవల్ లో నిర్వహిస్తున్నారు.

ప్రముఖ ఎంటర్‌ టైన్ మెంట్‌ ఛానెల్స్ తో పాటు న్యూస్ ఛానల్స్ లో సినిమాకు సంబంధించిన కథనాలు.. ఇంటర్వ్యూలు.. చర్చలు సినిమా స్థాయిని పెంచేస్తూనే ఉన్నాయి. ఇంకా సినిమా గురించి పెద్ద ఎత్తున పబ్లిసిటీ ని చేసేందుకు గాను మేకర్స్ ఏదో ఒక ప్లాన్‌ చేస్తూనే ఉన్నారు. తాజాగా ఈ సినిమా యూనిట్‌ సభ్యులు మ్యూజికల్‌ టూర్స్‌ ను ప్లాన్‌ చేశారు.

వైజాగ్‌ లో రాధే శ్యామ్‌ ప్లెక్సీ లతో ఒక వాహనం టూర్ మొదలు అయ్యింది. ఆ వాహనం లో రాధే శ్యామ్‌ సినిమా పాటలను పాడుతూ మ్యూజిక్ ట్రూప్ ఉన్నారు. సినిమా లోని పాటలను పాడుతూ సినిమా గురించి ఆ ట్రూప్ ప్రచారం చేయబోతున్నారు. ఈ ప్రత్యేకమైన విభిన్నమైన పబ్లిసిటీ అందరి దృష్టిని ఆకర్షిస్తోంది.

రాధే శ్యామ్‌ సినిమా కు అనూహ్యమైన స్పందన దక్కడం ఖాయం అని.. ఖచ్చితంగా ఈ సినిమా బాక్సాఫీస్ ను షేక్ చేయడం ఖాయం అంటూ అభిమానులు నమ్మకంతో ఉన్నారు. ఈ సినిమా లో ప్రభాస్ ను చాలా స్టైలిష్ గా చూడబోతున్నాం. ప్రభాస్ సినిమా అంటే ఈ మద్య కాలంలో భారీ యాక్షన్‌ సన్నివేశాలను అభిమానులు ఆశిస్తున్నారు. కాని ఈ సినిమా లో ఫైట్స్ కాని.. ప్రత్యేకంగా కామెడీ కాని ఏమీ ఉండదట.

రాధే శ్యామ్‌ లో ప్రభాస్‌ జ్యోతిష్యుడిగా కనిపించబోతున్నాడు. ఇప్పటి వరకు ప్రభాస్ చేసిన పాత్రలకు ఇది పూర్తి విభిన్నమైన పాత్ర గా చెబుతున్నారు. బాహుబలి మరియు సాహో వంటి భారీ చిత్రాల తర్వాత వస్తున్న సినిమా అవ్వడం వల్ల ఉత్తరాదిన హిందీ ప్రేక్షకులు రాధే శ్యామ్‌ కోసం ఆసక్తిగా ఎదురు చూస్తున్నారు.

సౌత్‌ లో కంటే అధికంగా నార్త్‌ లోనే ఈ సినిమా వసూళ్లు సాధిస్తుందనే నమ్మకం వ్యక్తం అవుతోంది. అందుకే ఈ సినిమా ప్రమోషన్ విషయంలో రాజీ పడకుండా అన్ని విషయాలను కూడా ప్రేక్షకులకు వివరిస్తూ పబ్లిసిటీ నిర్వహించాలని భావిస్తున్నారు. రాధే శ్యామ్‌ సినిమా పబ్లిసిటీ కొత్త పుంతలు తొక్కిస్తూ ఇలా మ్యూజికల్‌ టూర్స్ ను నిర్వహిస్తున్నారు. అభిమానుల సమక్షంలో ఈ టూర్ జరుగుతుందని తెలుస్తోంది.