ప్రభాస్ బర్త్‌ డే కు 'రాధేశ్యామ్‌' రికార్డ్‌ ల హోరు ఖాయం

స్టార్‌ హీరోల బర్త్‌ డే లకు వారు చేసే సినిమాలకు సంబంధించిన అప్‌ డేట్స్ రావడం చాలా కామన్ విషయం. ఇటీవలే మహేష్ బాబు పుట్టిన రోజుకు సర్కారు వారి పాట నుండి టీజర్ వచ్చింది. ఈనెలలో చిరంజీవి బర్త్‌ డే ఉంది. ఆ సమయంలో ఆచార్య నుండి అప్ డేట్ రావడంతో పాటు ప్రస్తుతం చేస్తున్న లూసీఫర్ కు సంబంధించిన అప్డేట్‌ కూడా రాబోతుంది. ఇవి కాకుండా వచ్చే నెలలో పవన్‌ కళ్యాణ్‌ పుట్టిన రోజు సందర్బంగా ప్రస్తుతం ఆయన చేస్తున్న సినిమాలతో పాటు కొత్త సినిమాలను కూడా అధికారికంగా ప్రకటించేందుకు సిద్దం అవుతున్నాడు. ఇక అక్టోబర్‌ లో ప్రభాస్ పుట్టిన రోజు ఉంది కదా.. ఇప్పటి నుండే అందుకు సంబంధించిన హడావుడి అభిమానుల్లో కనిపిస్తుంది.

ప్రభాస్ పుట్టిన రోజు సందర్బంగా రాధే శ్యామ్‌ సినిమా కు సంబంధించిన టీజర్ లేదా మొదటి సాంగ్‌ వస్తుందని అంటున్నారు. టీజర్‌ కనుక విడుదల అయితే యూట్యూబ్‌ లో ఉన్న రికార్డులు అన్ని కూడా కొట్టుకు పోయేలా ప్రభాస్ రచ్చ చేయడం ఖాయం అంటూ అభిమానులు నమ్మకంగా ఉన్నారు. రికార్డ్‌ బ్రేకింగ్‌ వసూళ్లను రాధే శ్యామ్‌ దక్కించుకుంటుందనే నమ్మకంను ప్రతి ఒక్కరు కలిగి ఉన్నారు. కనుక యూట్యూబ్‌ వ్యూస్ విషయంలో పెద్ద సమస్యే కాదు. రాధే శ్యామ్‌ కోసం దేశ వ్యాప్తంగా అభిమానులు ఎంతో ఆసక్తిగా ఎదురు చూస్తున్నారు.

రాధాకృష్ణ దర్శకత్వంలో యూవీ క్రియేషన్స్ వారు నిర్మిస్తున్న రాధే శ్యామ్‌ సినిమాలో ప్రభాస్ లుక్ అద్బుతం అన్నట్లుగా ఉందంటూ అభిమానులు ఇప్పటికే తెగ కామెంట్స్‌ చేస్తున్నారు. ప్రభాస్ ను అత్యంత స్టైలిష్‌ గా చూపించగల సత్తా రాధాకృష్ణ కు మాత్రమే ఉంది అన్నట్లుగా కొందరు అభిమానులు అభిప్రాయం వ్యక్తం చేస్తున్నారు. మొత్తానికి రాధే శ్యామ్‌ స్టైలిష్‌ కమ్ క్లాస్ మాస్ లుక్‌ ల కలబోత టీజర్ లేదా పాటను ఆయన బర్త్‌ డే సందర్బంగా విడుదల చేయడం ఖాయంగా కనిపిస్తుంది. రాధే శ్యామ్‌ తో పాటు సలార్‌ మరియు ఆదిపురుష్‌ లకు సంబంధించిన కీలక అప్ డేట్స్ ను బర్త్‌ డే సందర్బంగా రివీల్‌ చేసే అవకాశాలు ఉన్నాయంటున్నారు.