'రాధేశ్యామ్'.. రాధే బాటలో వెళ్లనుందా??

టాలీవుడ్ టు పాన్ ఇండియా స్టార్ గా ఎదిగిన డార్లింగ్ ప్రభాస్.. నటించే మూవీస్ గురించి ఇండియా వ్యాప్తంగా ఫ్యాన్స్ ఎంతో ఆసక్తిగా ఎదురుచూస్తున్నారు. అయితే ఈ ఏడాది రాధేశ్యామ్ మూవీతో ప్రేక్షకుల ముందుకు రాబోతున్నాడని అంచనా వేస్తున్నారు. ఇప్పటికే షూటింగ్ పూర్తి చేసుకున్న రాధేశ్యామ్ సినిమాకు సంబంధించి మరో చిన్న షెడ్యూల్ మిగిలి ఉందట. ఆ ఒక్కటి కూడా రాధేశ్యామ్ రిలీజ్ డేట్ వచ్చేలోపు ఫినిష్ చేయాలనీ ప్లాన్ చేస్తున్నారట మేకర్స్. రాధేశ్యామ్ కేవలం రిలీజ్ మాత్రమే మిగిలి ఉందని ఫ్యాన్స్ ఎక్సపెక్ట్ చేశారు. కానీ ఇప్పుడు ఇంకా షెడ్యూల్ షూటింగ్ ఉందంటే ఆలోచనలో పడ్డారు ఫ్యాన్స్.

ప్రస్తుతం రాధేశ్యామ్ సినిమా గురించి రోజుకో వార్త సోషల్ మీడియాలో వైరల్ అవుతోంది. ఈ మూవీ పీరియడిక్ లవ్ డ్రామాగా తెరకెక్కిన సంగతి తెలిసిందే. 1970ల కాలంనాటి ఈ సినిమాలో ప్రభాస్ విక్రమాదిత్య పాత్రలో కనిపించనున్నాడు. ఈ సినిమాలో ప్రభాస్ ప్రియురాలిగా పూజాహెగ్డే నటిస్తోంది. అయితే జులై 30న రాధేశ్యామ్ మూవీని ప్రపంచవ్యాప్తంగా విడుదల చేస్తామని మేకర్స్ ప్రకటించారు. కానీ ప్రస్తుతం కరోనా పరిస్థితి చూస్తుంటే సినిమా ఇప్పట్లో రిలీజ్ కాదని సందేహాలు వ్యక్తం అవుతున్నాయి. ఇప్పటికే కరోనా సెకండ్ వేవ్ కారణంగా అన్ని సినిమాలు వాయిదా పడ్డాయి.

అసలే ఏడాదిగా వెయిట్ చేస్తున్నటువంటి రాధేశ్యామ్ ఇంకా వాయిదా పడింది. ప్రస్తుతం రాధేశ్యామ్ పోస్ట్ ప్రొడక్షన్ పనులు కూడా చివరిదశలో ఉన్నాయట.ఈ సినిమాను రాధాకృష్ణకుమార్ తెరకెక్కించగా.. యూవి క్రియేషన్స్ బ్యానర్ వారు భారీ బడ్జెట్ తో నిర్మిస్తున్నారు. అయితే తాజాగా రాధేశ్యామ్ రిలీజ్ గురించి ఇండస్ట్రీ వర్గాలలో టాక్ నడుస్తుంది. ఏంటంటే.. ఇటీవలే సల్మాన్ ఖాన్ రాధే మూవీని రిలీజ్ డిజిటల్ రిలీజ్ చేసిన జీగ్రూప్ వారు రాధేశ్యామ్ బృందాన్ని కలిశారట. అయితే రాధేశ్యామ్ మేకర్స్ ఆల్రెడీ థియేట్రికల్ రిలీజ్ తో పాటు అదే సమయంలో ఓటిటి రిలీజ్ కూడా చేయాలనీ యోచిస్తున్నట్లు టాక్. ఇప్పుడు అదేవిధంగా జీ గ్రూప్ వారు రాధేశ్యామ్ విషయంలో కూడా రాధేను ఫాలో అవ్వడానికి ప్లాన్ చేస్తున్నట్లు పుకార్లు వినిపిస్తున్నాయి. మరి అసలు విషయం పై కొద్దీరోజుల్లో క్లారిటీ రాబోతుందని టాలీవుడ్ వర్గాలు చెబుతున్నాయి.