రాధిక ఆప్టే షాకింగ్‌ నిర్ణయం..!

బాలకృష్ణ తో లెజెండ్‌ మరియు లయన్ సినిమాల్లో నటించిన ముద్దుగుమ్మ రాధిక ఆప్టే. ఈ అమ్మడు తమిళ్ సూపర్ స్టార్‌ రజినీకాంత్‌ తో కూడా కలిసి నటించింది. బాలీవుడ్‌.. సౌత్‌ సినిమాలతో పాటు హాలీవుడ్‌ సినిమాల్లో కూడా నటించి నటిగా మంచి పేరును దక్కించుకున్న విషయం తెల్సిందే.

ఈ అమ్మడు తాను నటించిన హీరోలపై విమర్శలు చేయడం ద్వారా పలుసార్లు వార్తల్లో నిలిచిన విషయం తెల్సిందే. సౌత్‌ హీరోల యొక్క డామినేషన్‌ ఎక్కువ ఉంటుందని.. వారు హీరోయిన్స్ కు గౌరవం ఇవ్వరు అంటూ తీవ్ర స్థాయిలో విమర్శలు చేసిన విషయం తెల్సిందే. ఆ విమర్శలు రాధిక ఆప్టే కు సౌత్‌ లో ఆఫర్లు రాకుండా చేశాయి అనేది టాక్.

ఇన్నాళ్లు హీరోయిన్‌ గా నటించిన రాధిక ఆప్టే దర్శకురాలిగా మారాలని భావిస్తుందట. రాధిక ఆప్టే హీరోయిన్‌ అవ్వాలని అనుకోలేదని.. దర్శకురాలు అవ్వాలనే ఉద్దేశ్యంతో డైరెక్షన్‌ లో శిక్షణ కూడా తీసుకుందట. కానీ అనూహ్యంగా హీరోయిన్ గా ఛాన్స్ రావడం జరిగిందట. దర్శకురాలు అవ్వాలనే కోరిక తనలో ఇంకా ఉందని రాధిక ఆప్టే తాజా ఇంటర్వ్యూలో పేర్కొంది.

త్వరలోనే తాను దర్శకురాలిగా సినిమా తీయబోతున్నట్లుగా ప్రకటించింది. ప్రస్తుతం స్క్రిప్ట్‌ రైటింగ్ కోసం సీనియర్ దర్శకుల వద్ద సలహాలు సూచనలు తీసుకుంటూ వారికి అసిస్టెంట్‌ గా వ్యవహరిస్తున్నట్లుగా చెప్పుకొచ్చింది. భవిష్యత్తులో తన దర్శకత్వంలో సినిమాలు వస్తాయని ఆమె ధీమాగా చెప్పుకొచ్చింది.

దర్శకురాలిగా మారినంత మాత్రాన నటిగా తన కెరీర్ కు గుడ్‌ బై చెప్పబోను అని కూడా రాధిక ఆప్టే క్లారిటీ ఇచ్చింది. తన యొక్క మొదటి ప్రాముఖ్యత ప్రస్తుతం నటన అని.. దర్శకత్వం అనేది తనకు ఆసక్తి కనుక చేయాలని అనుకుంటున్నట్లుగా రాధిక ఆప్టే పేర్కొంది. మరి ఈమె దర్శకురాలిగా సక్సెస్ అయ్యేనా చూడాలి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.