రాధికా కళాత్మక బోల్డ్ స్టేట్ మెంట్!

వెండితెరపై నగ్నంగా కనిపించడం అనే అంశంపై ఎప్పుడు ప్రశ్నించినా తనదైన శైలిలో స్పందిస్తుంటుంది రాధికా ఆప్టే... తెలుగులో రక్తచరిత్ర - ధోనీ అంతకు మించి బాలయ్య సరసన లెజెండ్ - లయన్ చిత్రాల్లో నటించిన సంగతి తెలిసిందే. ఇదే క్రమంలో రజనీ సరసన "కబాలి" సినిమాలోనూ నటించింది రాధిక. ఇక బాలీవుడ్ లో చేసిన "హంటర్" తదితర సినిమాల్లో మెప్పించిన రాధిక కెరీర్ లో "పర్ చేద్" ఆమెకు ప్రపంచ వ్యాప్తంగా కూడా మంచి గుర్తింపునే తీసుకొచ్చింది. అయితే ఆ సినిమాలో రాధిక నటించిన న్యూడ్‌ సీన్స్‌ మన బాలీవుడ్‌ తెరపై కనిపించలేదు కానీ... విదేశాల్లో జరిగిన ఫిలిం ఫెస్టివల్స్‌ లో న్యూడ్‌ సీన్స్‌ కలిగిన "పర్‌ ఛేద్‌" కంప్లిట్ మూవీని ప్రదర్శించారు. ఆ సంగతులు కాసేపు పక్కనపెడితే తాజాగా మరోసారి న్యూడ్ సీన్స్ పై స్పందించింది రాధిక.

గతంలో న్యూడ్ సీన్స్ గురించి స్పందించిన ప్రతిసారీ సంచలనాత్మక సమాధానాలు ఇస్తుంటుంది రాధిక. "నన్ను నగ్నంగా చూసి ఎంజాయ్‌ చేయండి, అలా కాకుండా ప్రశ్నించాలనుకుంటే మాత్రం ముందుగా మిమ్మల్ని మీరు నగ్నంగా చూసుకోండి" అంటూ విరుచుకుపడిన సంగతి తెలిసిందే. ఇదే క్రమంలో తాజాగా మరోసారి నగ్నంగా కనిపించడంపై తనదైన శైలిలో స్పందించింది రాధిక. "నగ్నంగా కన్పించడం అనేది ఒక ఆర్ట్.. ఏదన్నా సినిమాలో నగ్నంగా కన్పించాల్సి వస్తే, ముందుగా ఆ సినిమా కథ నాకు బాగా నచ్చడంతో పాటు అందులో నా పాత్ర అద్భుతంగా ఉండాలి..." అంటూ చెప్పుకొచ్చింది. తాజాగా జరిగిన ఒక ఇంటర్వ్యూలో నగ్నంగా కనిపించడంపై ఇలా స్పందిస్తూ... ఆమె నగ్నంగా కనిపించే సినిమాలో సోషల్ మెసేజ్ కూడా ఉండాలని చెప్పడం కొసమెరుపు!

Like Us on Facebook : https://www.facebook.com/Tupakidotcom/