రాధికా ఆప్టే రేంజ్ అది

తెలుగు సినిమాల్లో నటిస్తున్నా రాధికా ఆప్టే అంటే ఏమో అనుకున్నాం కానీ.. ఈ మధ్యే ఆమె రేంజ్ ఏంటో జనాలకు అర్థమవుతోంది. ఈ మధ్యే ఇండియాలో అత్యధిక మంది గూగుల్ సెర్చ్ లో వెతికిన హీరోయిన్ రాధికే అని వెల్లడైన సంగతి తెలిసిందే. మరోవైపు బద్లాపూర్ - హంటర్ లాంటి సినిమాలతో.. ‘అహల్య’ లాంటి ఇంటర్నేషనల్ రేంజి షార్ట్ ఫిలింతో తనేంటో చాటి చెప్పింది రాధికా. సినీ వర్గాల్లో రాధికకు ఎంత మంచి పేరుందో చెప్పడానికి తాజా ఉదాహరణ.. గోవాలో జరగబోయే ‘ఇంటర్నేషనల్ ఫిలిం ఫెస్టివల్’లో ఆమె జ్యూరీ సభ్యురాలిగా ఎంపికవడం.

ఇండియా చాలా ప్రతిష్టాత్మకంగా భావించే ఈ ఫిలిం ఫెస్టివల్ లో జ్యూరీ సభ్యులుగా మహా మహులే ఉంటారు. వాళ్ల స్టాండర్డ్స్ ఇంటర్నేషనల్ రేంజిలో ఉంటాయి. అలాంటి జ్యూరీలో రాధికకు చోటు దక్కిందంటే ఆమె స్థాయి ఏంటో అర్థం చేసుకోవచ్చు. గత ఏడాది కొరియోగ్రాఫర్ టర్న్డ్ డైరెక్టర్ ఫరా ఖాన్ జ్యూరీలో ఉండగా.. ఆమె ప్లేస్ లో ఈసారి రాధికను తీసుకున్నారు. ఇది తనకు ప్రెస్టీజియస్ హానర్ అని.. చాలా పెద్ద రెస్పాన్సిబిలిటీగా భావించి.. ఈ బాధ్యతను నెరవేరుస్తానని రాధిక చెప్పింది. ఈ ఫిలిం ఫెస్టివల్ 20న మొదలై పది రోజుల పాటు కొనసాగుతుంది.