ఓపెన్ గా కాల్చేసి పిచ్చెత్తించింది...

మామూలుగా చాలామంది సిగరెట్లు కాలుస్తుంటారు. ఫిలిం స్ర్కీన్‌ మీదనే కాదు.. సాక్షాత్తూ సిగరెట్‌ పెట్టి మీదనే పుర్రె బొమ్మ వేసినా కూడా.. అలాంటివేవీ మస్తిష్కంలోకి తీసుకోకుండా హ్యాపీగా దమ్ము కొట్టేస్తుంటారు చాలామంది స్టార్లు. వారిలో కొందరు మాత్రం సిగరెట్‌ మానేశాం అన్నప్పుడు ఒప్పేసుకుంటారు. మహేష్‌ బాబు అండ్‌ రామ్‌ చరణ్‌ తరువాత ఈ మధ్యనే త్రివిక్రమ్‌ ఒక ఫంక్షన్‌ లో మాట్లాడుతూ.. అప్పట్లో సిగరెట్లు కాల్చే రోజుల్లో అంటూ చెప్పుకొచ్చాడు.

ఇప్పుడు బాలీవుడ్‌ లో చూసుకుంటే.. ఈ మధ్యనే సిగరెట్‌ కాలుస్తూ.. తానే స్వయంగా ఒక స్నాప్‌ తీసుకొని.. అది ఫేస్‌ బుక్‌ లో పెట్టేసింది హీరోయిన్‌ రాధికా ఆప్టే. అయితే ఈమె వలే ఎంతమంది ఓపెన్‌ గా అలాంటి ఫోటోలు పెట్టగలరు? నిజ జీవితంలో సిగరెట్లు కాల్చే.. సుస్మితా సేన్‌.. కంగనా రనౌత్‌.. చివరకు శృతి హాసన్ వంటి హీరోయిన్లు గాసిప్పు కాలమ్ లో వినిపంచడమే కాని.. ఎప్పుడూ సిగరెట్ తో ఫోటోకు దొరక్కుండా జాగ్రత్తపడ్డారు. అయితే సిగరెట్‌ కాల్చే వారు ఇలా ఓపెన్‌ గా ఫోటోలు పెడితే అది ఇమేజ్‌ ను డ్యామేజ్‌ చేస్తుంది అంటారు. కాని రాధిక మాత్రం ఆమె అభిమానులకు చాలా సెక్సీగా కనిపిస్తోందట.

ప్రస్తుతం ''ఆయిస్టర్స్'' అనే క్రౌడ్‌ ఫండెడ్‌ మూవీలో హీరోయిన్‌ గా నటిస్తున్న రాధిక.. లండన్‌ లో షూటింగ్‌ జరుగుతున్న సమయంలో.. ఇలా ఒక స్నాప్‌ తీసుకొని.. దానిని షేర్‌ చేసుకుంది. కాని అభిమానులను కూడా సిగరెట్‌ తాగమని ప్రోత్సాహించినట్లు లేదూ??