బెడ్ రూమ్ సీన్ల మీద మండిపడ్డ హీరోయిన్

బాలకృష్ణ లెజెండ్ లో బావా అంటూ బాలయ్యను ఆటపట్టిస్తూ అతని కోసం విలన్ల చేతిలో ప్రాణాలు వదిలే పాత్రలో మంచి పేరే తెచ్చుకున్న రాధికా ఆప్టే ఆ తర్వాత దాని కన్నా ఎక్కువగా బాలీవుడ్ లో వివాదాల ద్వారానే బాగా పాపులర్ అయ్యింది. అవకాశాలకు లోటు లేకుండా ఏదో ఒక సినిమాతో బిజీగా ఉండే రాధికా ఆప్టే మరోసారి లైమ్ లైట్ లోకి వచ్చింది. ఇటీవలే తను నటించిన వెడ్డింగ్ గెస్ట్ అనే మల్టీ లాంగ్వేజ్ మూవీ ఒకటి ఇండియాలో అఫీషియల్ గా విడుదల కావాల్సి ఉంది.

కానీ ఈ లోగా అందులో రాధికా ఆప్టే హీరోతో కలిసి నటించిన కొన్ని బోల్డ్ బెడ్ రూమ్ సీన్స్ ఆన్ లైన్లో లీకైపోయాయి. దీంతో ఇప్పుడీ భామ భగ్గుమంటోంది. హీరో దేవ్ పటేల్ తో తాను ఉన్న సీన్లు మాత్రమే బయటికి వదిలారని అంతకన్నా గొప్పగా అనిపించే ఎన్నో హత్తుకునే సన్నివేశాలు అందులో ఉన్నాయని అవెందుకు చూపించరని నిలదీస్తోంది. కేవలం సెక్స్ ని మాత్రమే హై లైట్ చేస్తూ సొమ్ములు చేసుకోవాలనుకునే లీకు వీరులకు క్లాసు పీకింది.

ఇదంతా ఒకే కానీ రాధికా చెబుతున్న ఈ వెడ్డింగ్ గెస్ట్ ఆల్రెడీ ఆన్ లైన్ లో హెచ్ది వెర్షన్ రూపంలో చక్కర్లు కొడుతోంది. అంత ఈజీగా కొత్త సినిమా ప్రింట్ దొరికే అవకాశం ఉన్నప్పుడు టెక్నాలజీ రంగమేలే ఈ రోజుల్లో ఇలాంటి లీకులు బయటికి పెద్ద విషయమేమి కాదు. అయినా ఒక్కసారి నటించేశాక అవి ఏ రూపంలో బయటికి వచ్చినా ఒప్పుకోక తప్పదు. బెడ్ రూమ్ సీన్ అని తెలిసే చేసినప్పుడు ఇప్పుడు అందరూ చూస్తున్నారని వాపోవడంలో లాజిక్ లేదు. ఇదంతా వెడ్డింగ్ గెస్ట్ ప్రమోషన్ కోసమని అంటున్న వాళ్ళూ లేకపోలేదు. ఏదైతేనేం కొంత గ్యాప్ తర్వాత మళ్ళీ రాధికా ఆప్టే న్యూస్ లోకి వచ్చింది