అద్దంలో నీ న్యూడ్ బాడీ చూస్కో

ట్యాలెంటెడ్ బాలీవుడ్ బ్యూటీ రాధికా ఆప్టే సంచలనాలకు మరో పేరు అనే విషయం మరోసారి ప్రూవ్ అయింది. పార్చ్‌డ్ మూవీ రెండు వారాల క్రితం రిలీజ్ అయింది. ముందు నుంచి ఈ మూవీకి తగ్గట్లుగానే ఆర్ట్ ఫిలిం అనే టైపులోనే ప్రచారం చేశారు. అయితే.. ఈ రిలీజ్ కి ముందే రాధికా ఆప్టే నటించిన ఓ సెక్స్ సీన్ ఇంటర్నెట్ లో లీక్ అయింది. తాజాగా ఓ కమర్షియల్ ఈవెంట్ కి హాజరైన రాధికా ఆప్టేను.. ఓ విలేఖరి దీనిపై ప్రశ్నించాడు. సినిమాని హిట్ చేసుకోవడానికి.. ఇలాంటి ఇంటిమేట్ సీన్స్ చేయడం.. వాటితో కాంట్రవర్సీలు క్రియేట్ చేయడం అవసరమా అని నిలదీశాడు.

దీనికి ఈ బ్యూటీ ఇచ్చిన ఆన్సర్ అదరహో అనాల్సిందే. 'మై ఫ్రెండ్.. నీ ప్రశ్న చాలా అసంబద్ధంగా ఉంది. నువ్వు క్లిప్ చూశావా.. నీ ఫ్రెండ్ కి షేర్ చేశావా.. నీలాంటోళ్లే కాంట్రవర్సీలు క్రియేట్ చేసేది. నేను ఓ ఆర్టిస్ట్. అవసరం అనుకున్నంత వరకూ నా పని నేను చేస్తున్నాను. నువ్వు గీసుకున్న గిరి నుంచి బయటకు వచ్చి ఓసారి ప్రపంచ సినిమాను చూడు. ప్రపంచవ్యాప్తంగా విజయవంతంగా ఏం చేస్తున్నారో చూడు.' అంటూ క్లాస్ పీకిన రాధికా ఆప్టే.. ఆ తర్వాత డోస్ మరింతగా పెంచేసింది.

'నేను దేనికీ సిగ్గుపడ్డం లేదు. జనాలు వాళ్ల సొంత శరీరాన్ని చూసుకోవడానికి ఇబ్బంది పడతారు. కానీ ఇతరుల శరీరాలపై మాత్రం ఆసక్తి చూపుతారు. రేపు నువ్వు న్యూడ్ బాడీ చూడాలంటే.. నా క్లిప్ చూసే బదులు.. నిన్ను నువ్వు నగ్నంగా చూస్కో. అప్పుడు దీని గురించి మనం మాట్లాడుకుందాం' అంటూ రాధిక అనే సరికి.. ఆ ప్రదేశం అంతా చప్పట్లతో మార్మోగిపోయింది. ఆ తర్వాత ఆ రిపోర్టర్ 'రాధికా.. నిన్ను హర్ట్ చేసినందుకు సారీ' అని చెప్పాడు కానీ.. నేనా హర్ట్ అయ్యానా.. నీ సంగతి చూస్కో ముందు అనేసింది రాధికా ఆప్టే.

Like Us on Facebook : https://www.facebook.com/Tupakidotcom/