సూప‌ర్ స్టార్ చెంప చెళ్లుమ‌నిపించా

ధైర్యంగా మాట్లాడే హీరోయిన్ల‌లో రాధికా ఆప్టే ముందుంటుంది. ఆమె టాప్ హీరోయిన్ అని చెప్ప‌లేము. అలాగ‌ని చిన్న హీరోయినేం కాదు సొంత ప్రతిభ‌తో ఎదిగిన హీరోయిన్‌. సినిమా ప్ర‌పంచంలోని ప‌రిస్థితుల‌ను త‌ట్టుకుని నిల‌బ‌డ్డ యువ‌తి. ఆమె ఇప్పుడు దిమ్మ‌దిరిగే విష‌యాన్ని చెప్పి సెన్సేష‌న్ సృష్టిస్తోంది.

బాలీవుడ్ హీరోయిన్ నేహా దూపియా వ్యాఖ్యాత‌గా మారిన సంగ‌తి తెలిసిందే. బీఎఫ్ఎఫ్ విత్ వోగ్ కార్య‌క్ర‌మంలో ఆమె ప‌లువురు సినీ ఇండ‌స్ట్రీకి చెందిన స్నేహితుల‌ను ఇంట‌ర్వ్యూ చేస్తోంది. అలా రాధికా ఆప్టేను... రాజ్‌కుమార్ రావ్‌ను పిలిచింది. ఈ సంద‌ర్భంగా ప‌లు ప్ర‌శ్న‌లు అడిగింది నేహా దూపియా. ఆ ఫ్లోలో సినీ ఇండ‌స్ట్రీల‌లో మేల్ డామినేష‌న్ గురించి కూడా టాపిక్ వ‌చ్చింది. అప్పుడు రాధికా ఆప్టే చెప్పిన స‌మాధానం సౌతిండియాను షేక్ చేసేలా ఉంది. తాను ఓ ద‌క్షిణాది సినిమా చేసేందుకు వెళ్లాన‌ని చెప్పింది. తొలి రోజు షూటింగ్ కు వెళ్లాన‌ని ఆ హీరోతో ఇంత‌కుముందు న‌టించ‌లేద‌ని చెప్పింది. ఆ హీరో త‌న కాళ్ల‌పై కిత‌కిత‌లు పెట్టాడ‌ని కోప‌మొచ్చి చెంప చెళ్లుమ‌నిపించాన‌ని చెప్పింది. ఇప్పుడు ఇదే హాట్ టాపిక్ అయ్యేలా క‌నిపిస్తోంది.

రాధికా ఆప్టే త‌మిళ తెలుగు భాష‌ల్లోనూ న‌టించింది. ర‌జినీ కాంత్‌ తో క‌బాలి సినిమాలో న‌టించింది. అదే తెలుగులో లెజెండ్... ల‌య‌న్ సినిమాల‌లో బాలయ్య‌తో క‌లిసి న‌టించింది. ద‌క్షిణాది సూప‌ర్ స్టార్ అంటే ర‌జినీ అనుకోవాలా లేక బాల‌య్య అనుకోవాలా? లేక వేరే హీరోను ఉద్దేశించి అలా అన్న‌దా? ర‌జినీకాంత్‌.. బాల‌య్య‌ల‌కు ఇండ‌స్ట్రీలో మంచి పేరుంది. వారిద్ద‌రితో చాలామంది హీరోయిన్లు ప‌ని చేశారు కానీ... ఇలాంటి ఆరోప‌ణ‌లు రాలేదు. మ‌రి రాధికా ఆప్టే కొట్టింది ఎవ‌రినో.