బాలయ్య హీరోయిన్‌.. క్రైమ్‌ కథలు

బాలయ్య హీరోయిన్‌ గా తెలుగునాట ప్రసిద్దమైన నటి రాధికా ఆప్టే. ఇప్పుడిక అమ్మడు రోజూ ఏదో ఒక రీజన్‌ తో పాపులర్‌ అవుతూనే ఉంది. ఫోబియా సినిమా ట్రైలర్‌ తో ఓరోజు.. లండన్‌ లో ఓ సినిమా షూటింగ్‌ సందర్భంగా సిగరెట్‌ కాలుస్తూ ఓ రోజు.. ఓ మ్యాగజైన్‌ ఫోటో షూట్లో ఏకంగా బేర్‌ చెస్టెడ్‌ గా కనిపిస్తూ ఓరోజు.. అలా రచ్చ చేస్తూ ఉంటోంది.

ఇప్పుడు తాజా అప్డేట్‌ ఏంటంటే.. అమ్మడు త్వరలోనే టివి యాంకర్‌ గా మారబోతోందట. ఒక ప్రక్కన సినిమాలతో బిజీగా ఉన్నా కూడా.. రాధికా ఆప్టే ఇప్పుడు క్రైమ్‌ కథలను జనాలకు చెబుదామని డిసైడైంది. గోరంతను కొండంతగా చేసి చూపించే మన నేరాలు ఘోరాలు ప్రోగ్రామ్‌ లు ఉన్నాయి చూడండి.. అచ్చం సోనీ టివిలో ''క్రైమ్‌ పాట్రోల్‌'' అంటూ అలాంటి కార్యక్రమమే వస్తుంది. ఆ ప్రోగ్రామ్‌ కు త్వరలోనే బాలయ్య హీరోయిన్ వ్యాఖ్యాతగా మారనుంది.

ఇప్పటివరకు కేవలం వెండితెరపైనే తన స్టంట్లు చూపించిన రాధికా.. ఇక టివిల్లోనూ రెచ్చిపోతుందనమాట. అయితే ఈ ప్రోగ్రామ్‌ కు అమ్మడు తన లుక్‌ తో గ్లామర్‌ యాడ్‌ చేయకుండా.. కేవలం తన వాక్చాతుర్యంతో పడగొడుతుందట.