బిబిసి కోసం భామలు నోరు విప్పారు

శ్రీరెడ్డి పోరాటంతో టాలీవుడ్ లో కాస్టింగ్ కౌచ్ ఇష్యూ బాగానే ఫోకస్ అయింది. ప్రస్తుతం దీనిపై డిస్కషస్లు లాంటివి ఆగిపోయినా కాస్టింగ్ కౌచ్ కు వ్యతిరేకంగా బోలెడుమంది తమ స్వరం వినిపించారు. కాస్టింగ్ కౌచ్ విషయంలో బాలీవుడ్ ఏమీ తక్కు కాదని ఇద్దరు హీరోయిన్లు అంటున్నారు.

లెజెండ్.. కబాలి సినిమాలతో తెలుగు వారందరికీ బాగా పరిచయమైన రాధికా ఆప్టే ముందు నుంచి కాస్టింగ్ కౌచ్ గురించి ఓపెన్ గానే మాట్లాడింది. బాలీవుడ్ లో కాస్టింగ్ కౌచ్ పై రీసెంట్ గా బీబీసీ ఓ డాక్యుమెంటరీ చేసింది. ఇందులో రాధికా ఆప్టేతోపాటు మరాఠీ అవార్డ్ విన్నింగ్ యాక్టర్ ఉషా జాదవ్ తమ ఒపినీయన్స్ షేర్ చేసుకున్నాడు. ఇందులో వాళ్లు చాలా ఘాటయిన విషయాలే బయటపెట్టారు. పల్లెటూరు నుంచి హీరోయిన్ అవుదామని సిటీకొచ్చిన తాను ఎలాంటి ఇబ్బందులు ఎదుర్కొందీ ఉషా జాదవ్ క్లియర్ కట్ గా చెప్పింది.

తొలినాళ్లలో హీరోయిన్ గా అవకాశం ఇవాలంటే తిరిగి మాకేమిస్తావనే ప్రశ్న ఎదురైందని ఉషా చెప్పుకొచ్చింది. కొన్ని సందర్భాల్లో డైరెక్టర్.. ప్రొడ్యూసర్ల కలిసి పడుకోవాల్సిందిగా డైరెక్ట్ గానే అడిగేశారని చెప్పింది. తన ఒళ్లంతా చేతులు వేసి తడమడంతో పాటు ఇప్టమొచ్చినట్టల్లా ముద్దులు పెట్టేవారని.. దుస్తుల్లోపల చేతులు పెట్టినా భరించాలని బ్రెయిన్ వాష్ చేసేవారని... ఇలాంటి అనుభవాలు తనకు చాలాసార్లే ఎదురయ్యయాని చెప్పుకొచ్చింది. రాధికా ఆప్టే అయితే ‘‘కొందరిని దేవుళ్లతో సమానంగా చూస్తారు. వాళ్లకు వ్యతిరేకంగా నేను మాట్లాడినా ఆ మాటలు ఎక్కడా వినిపించవు. కాస్త గట్టిగా మాట్లాడినా కెరీర్ నాశనమైపోతుందంటూ భయపెడతారు’’అంటూ పరిశ్రమలో ఉండే డార్క్ సీక్రెట్స్ బయపెట్టింది.

బాలీవుడ్ డార్క్ సీక్రెట్ పేరిట బీబీసీ తీసిన డాక్యుమెంటరీ త్వరలో టెలికాస్ట్ కానుంది. అందులో వాళ్ల ఇంకెన్నినిజాలు బయటపెట్టి ఉంటారో తెలుసుకోవడానికి వేచి చూడాల్సిందే.