హీరోయిన్ బర్త్ డే పార్టీలో హంగామా

రాగిణి ద్వివేది గుర్తుందా.. నాని హీరోగా నటించిన ‘జెండాపై కపిరాజు’ సినిమాతో తెలుగు ప్రేక్షకులకు పరిచయమైందీ కన్నడ హీరోయిన్. కొన్ని డబ్బింగ్ సినిమాలతో కూడా తెలుగు ప్రేక్షకులకు ఈ అమ్మాయి పరిచయమే. తాజాగా ఈ అమ్మాయి 27వ పుట్టిన రోజు జరుపుకుంది. ఈ వేడుకల్లో కన్నడ సినీ ప్రముఖులతో కలిసి డ్యాన్స్ అదరగొట్టేయడం చర్చనీయాంశమవుతోంది.

ఈ వేడుకకు సంబంధించిన ఫొటోలు ప్రస్తుతం సోషల్ మీడియాలో హల్ చల్ చేస్తున్నాయి. తన పుట్టిన రోజు వేడుకలకు పలువురు దర్శకులు.. నిర్మాతలు.. టెక్నీషియన్లను పిలవడమే కాదు.. వాళ్లతో కలిసి ఏమాత్రం మొహమాట పడకుండా డ్యాన్సులు చేయడం విశేషమే. మామూలుగా కొంచెం రిజర్వ్డ్ గా కనిపించే రాగిణి.. తన బర్త్ డే పార్టీలో ఇలా హంగామా చేస్తుందని ఎవ్వరూ అనుకోలేదు.

స్వతహాగా పంజాబీ అమ్మాయి అయిన రాగిణి.. పుట్టింది పెరిగింది బెంగళూరులోనే. ఆమె తండ్రి రాకేష్ ద్వివేది హర్యానాలో జన్మించాడు. ఆర్మీ జనరల్ గా పని చేశాడు. మోడల్ గా కెరీర్ ఆరంభించిన రాగిణి.. 2009లో ‘వీర మడకరి’ అనే సినిమాతో కథానాయికగా పరిచయమైంది. చాలా త్వరగా స్టార్ హీరోయిన్ గా ఎదిగింది. కన్నడలో స్టార్ హీరోలందరితోనూ జత కట్టిన రాగిణి ఇప్పటిదాకా 25కు పైగా సినిమాల్లో నటించింది. ఈ మధ్యన ఆమెకు కొంచెం అవకాశాలు తగ్గాయి.

Like Us on Facebook : https://www.facebook.com/Tupakidotcom/