రెహ్మాన్ '99 సాంగ్స్‌' ఇదిగో

తన సంగీతంతో యావత్‌ భారత్‌ ను ఉర్రూతలూగించిన ఏ.ఆర్‌.రెహ్మాన్‌ ఈ మధ్య కాలంలో చేస్తున్న సినిమాలు చాలా తక్కువ. ఎందుకంటే అక్కడ హాలీవుడ్‌ లో ఎక్కువగా ఆఫర్లు ఉండటంతో.. ఆయన కెనడాలోని తన ఇంటి నుండే ఎక్కువ శాతం పని చేస్తున్నారు. గౌతమ్‌ మీనన్‌ వంటి దర్శకులకు తప్పిస్తే.. మామూలుగా ఎవ్వరి సినిమాలనూ రెహ్మాన్‌ చేయట్లేదు.

ఇకపోతే ఇంత బిజీగా ఉండి కూడా.. రెహ్మాన్‌ సినిమాలు నిర్మించాలని ఫిక్సయ్యాడు. పైగా తన తొలి ప్రొడక్షన్‌ కు తనే ఒక కథను కూడా రాసుకున్నాడు. అలా రాసుకున్న కథ పేరే ''99 సాంగ్స్‌''.. హిందీలో తీస్తున్న ఈ సినిమాకు విశ్వేష్‌ కృష్ణమూర్తి దర్శకత్వం వహిస్తున్నాడు. ఈ సినిమా ఫస్ట్‌ లుక్‌ ను చాలా వినూత్నంగా డిజైన్‌ చేయించాడు రెహ్మాన్. ఇదొక మ్యూజికల్‌ లవ్ స్టోరి. అందుకే గాలిలో ఒక పాత కాలపు పియానోను పట్టుకొని ఊగుతున్న జంటగా తన హీరో హీరోయిన్లను చూపిస్తున్నాడు. వావ్‌ అనిపించేలా ఉన్న ఈ పోస్టర్‌ను ఇవాళ రెహ్మాన్‌ స్వయంగా విడుదల చేశాడు.

మరి సంగీత విరాట్‌ గా విరజిల్లుతున్న రెహ్మాన్‌ ఇప్పుడు ప్రొడక్షన్‌ తోనూ హిట్టు కొడతాడా? పెన్ను పవర్‌ చూపిస్తాడా? వెయిట్‌ అండ్‌ సి.