డప్పు కొట్టేసి చెన్నయ్‌ కు సాయం

వ‌ర‌ద భీభ‌త్సంతో చెన్న‌య్ అల్లాడిపోయింది. న‌గ‌రం అల్ల‌క‌ల్లోలం అయ్యింది. సామాన్య ప్ర‌జ‌లు కోలుకోలేనంత‌గా దెబ్బ‌తీసింది ఈ వ‌ర‌ద‌. మ‌రి అలాంటి సామాన్యుల్ని ఆదుకునేందుకు సెల‌బ్రిటీలు త‌మ వంతుగా చేయాల్సిన‌దంతా చేస్తూనే ఉన్నారు. ముఖ్య‌మంత్రి రిలీఫ్ ఫండ్‌ కి బోలెడంత డొనేష‌న్లు వ‌చ్చి చేరాయి. స్టార్లు త‌మ వంతు సాయం అడ‌గ‌కుండానే చేశారు. క‌థానాయిక‌లు త‌మ వంతు గా ప్ర‌జ‌ల్ని క‌లిసి ధైర్యం చెప్పే ప్ర‌య‌త్నం చేశారు.

మ‌రి చెన్న‌య్ అంటే స్టార్ మ్యూజిక్ డైరెక్ట‌ర్ల‌కు పెట్టింది పేరు. వీళ్ళందరూ ఇప్పుడు చెన్నయ్‌ కోసం ఎవరి డప్పు వారే కొడుతున్నారు. అదేనండీ.. ఆర్కెస్ర్టా పేరుతో కాన్సర్టులు చేస్తున్నారు. ఏ.ఆర్‌.రెహ‌మాన్‌ - అనిరుధ్ రామ‌చంద్ర‌న్‌ - యువ‌న్ శంక‌ర్ రాజా లాంటి ట్యాలెంటెడ్ మ్యూజిక్ డైరెక్ట‌ర్స్ అక్క‌డ ఉన్నారు. అనిరుధ్ రామ‌చంద్ర‌న్ ప్ర‌స్తుతం టొరెంటో వెళ్లాడు. అక్క‌డి నుంచే సామాజిక వెబ్‌ సైట్ లో కొన్ని డీటెయిల్స్ చెప్పాడు. జ‌న‌వ‌రి మాసంలో లైవ్ మ్యూజిక్ కాన్సెర్టుల్ని ప్లాన్ చేశాం. తద్వారా వ‌చ్చే డ‌బ్బును వ‌ర‌ద‌ల‌తో న‌ష్ట‌పోయిన ప్ర‌జ‌ల‌కు అందిస్తామ‌ని చెప్పాడు.

జ‌న‌వ‌రి 16 - 23 తేదీల్లో ఏ.ఆర్‌.రెహ‌మాన్ మ్యూజిక్ కాన్సెర్ట్ ఉంటుంది. చెన్న‌య్‌ - కోయంబ‌త్తూర్‌ లో ఈ కాన్సుర్టుల్ని ప్లాన్ చేస్తున్నారు రెహ‌మాన్‌. నెంజె ఎజు.. పేరుతో ఏఆర్ ఆర్ లైవ్ 2016 అంటూ ఈ కాన్సెర్టుల‌కు పేరు పెట్టుకున్నారు. సేమ్ టు సేమ్ మ‌రో పాపుల‌ర్ మ్యూజిక్ డైరెక్ట‌ర్ యువ‌న్ శంక‌ర్ రాజా కోయంబ‌త్తూర్‌ - మ‌ధురైల్లో లైవ్ మ్యూజిక్ కాన్సెర్టుల్ని నిర్వ‌హిస్తున్నారు. కోయంబ‌త్తూర్ లైవ్ కాన్సెర్ట్ రెహ‌మాన్ కాన్సెర్టుతో క్లాష్ అవుతోంద‌ని చెప్పుకుంటున్నారు. అదీ మ్యాట‌రు.