రెహ్మాన్‌ సిడి ఇచ్చేశాడండీ

ఒకసారి సంగీత దిగ్గజం ఏ.ఆర్‌.రెహ్మాన్‌ కు సినిమా కథ మొత్తం చెప్పేస్తే.. మనోడు ట్యూన్లు కట్టేవరకు దర్శకుడితో ట్రావెల్‌ చేస్తాడు. ఆ తరువాత ఇక దర్శకుడికి కనిపించమన్నాకనిపించడు. పెద్ద పెద్ద దర్శకులైన శంకర్‌ వంటి వారికే మనోడు దర్శనం ఇవ్వలేదు. ఇప్పుడు నాగ చైతన్య డైరక్టర్‌ గౌతమ్‌ మీనన్‌ ది కూడా అదే పరిస్థితి.

ఇప్పటికే ''సాహసం శ్వాసగా సాగిపో'' సినిమా ట్యూన్లన్నీ రెహ్మాన్‌ ఫినిష్‌ చేసేశాడు. అయితే ఈ పాటలను ప్రఖ్యాత సింగర్లతో పాడించి.. వాటిని ఫైన్‌ ట్యూన్‌ చేయించి.. ఇనస్ట్రుమెంటేషన్‌ అంతా పూర్తి చేయించి.. సౌండ్‌ ను ఫైనల్‌ గా టాప్‌ లెవెల్‌ క్వాలిటీలో మిక్స్‌ చేయించి.. అప్పుడుగాని ఫైనల్‌ అవుట్‌ పుట్‌ ఇవ్వడం జరగదు. ఈ పనంతా రెహ్మాన్‌ సారధ్యంలో ఆయన ఇంజనీర్లు పూర్తి చేసేసి.. గత రాత్రి గౌతమ్‌ మీనన్‌ కు ఈ సినిమా ఆడియో సిడి తొలి కాపీని అందించేశారు. ఇక మిగిలినదల్లా.. పాటలను ప్రజల్లోకి వదలడమే.

ఇప్పటికే ఒక సింగిల్‌ను రిలీజ్‌ చేయబడిన.. ఈ ''సాహసం శ్వాసగా సాగిపో'' సినిమాలో నాగ చైతన్య, మంజిమా మోహన్‌ లు హీరో హీరోయిన్లుగా నటిస్తున్నారు. సమ్మర్‌ లో మూవీ రిలీజ్‌ అయ్యే ఛాన్సుందని ఒక టాక్‌.