మెగా151.. థమన్ ఔట్.. రెహ్మాన్ ఇన్!!

మెగాస్టార్ 151వ చిత్రం ఉయ్యాలవాడ నరసింహారెడ్డి. మొదటి భారత స్వాతంత్ర్య సమరానికి ముందే బ్రిటిషర్ల తలలు తెగనరికిన పోరాటయోధుడి చరిత్రను సినిమాగా మలచబోతున్నారు. స్టైలిష్ డైరెక్టర్ సురేందర్ రెడ్డి దర్శకత్వంలో రూపొందనున్న ఈ చిత్రానికి ప్రీ ప్రొడక్షన్ పనులు శరవేగంగా జరుగుతున్నాయి. ఇప్పుడు మ్యూజిక్ డైరెక్టర్ విషయంలో నిర్మాత రామ్ చరణ్ ఓ క్లారిటీకి వచ్చేశాడని.. డబుల్ ఆస్కార్ విన్నర్ ఏఆర్ రెహమాన్ తో మ్యూజిక్ ఇప్పించనున్నారని టాక్ వినిపిస్తోంది.

ఇప్పటికే రెహ్మాన్ దగ్గరకు ప్రపోజల్ కూడా పంపించారట. ఇప్పటివరకూ రెహ్మాన్ తో అగ్రిమెంట్స్ కంప్లీట్ కాలేదు కానీ.. మెగా151కి ఏఆర్ రెహ్మాన్ సంగీతం ఇచ్చే అవకాశాలే ఎక్కువగా ఉన్నాయని అంటున్నారు. చారిత్రక చిత్రాలకు.. అందులోనూ దేశభక్తి చిత్రం కావడంతో.. రెహ్మాన్ సంగీతం మూవీకి ఆయువుపట్టుగా నిలుస్తుందనే అంచనాలు ఏర్పడుతున్నాయి. అయితే.. సడెన్ గా ఏఆర్ రెహ్మాన్ పేరు తెరపైకి రావడం.. కంపోజర్ ఎస్ఎస్ థమన్ కి షాక్ అని చెప్పాల్సిందే.

నిజానికి మెగా 151కి థమన్ తో సంగీతం ఇప్పిస్తారనే టాక్ ముందు నుంచి ఉంది. బ్రూస్ లీ ఆడియో ఫంక్షన్ టైంలో.. థమన్ తో సినిమా చేస్తానని చిరు స్వయంగా చెప్పారు. పైగా సురేందర్ రెడ్డి- థమన్ కలిసి కొన్ని సిటింగ్స్ వేశారు కూడా. 'మై బిగ్గెస్ట్ సెన్సేషన్' అంటూ సూరితో కలిసి దిగిన ఫోటోను గతంలో నెట్ లో షేర్ చేశాడు థమన్.

కానీ ఇప్పుడు థమన్ ను పక్కన పెట్టి ఏఆర్ రెహ్మాన్ తో ప్రొసీడ్ అవ్వాలని ఉయ్యాలవాడ టీం నిర్ణయించిందని చెప్పుకుంటున్నారు. ఉయ్యాలవాడ ప్రాజెక్ట్ అనుకున్నపుడు దీన్ని తెలుగు చిత్రంగానే తీయాలని భావించగా.. ఇప్పుడు జాతీయ స్థాయి ప్రాజెక్టుగా తీర్చిదిద్దే ప్రయత్నాలు జరుగుతున్నాయని చెబుతున్నారు. అందుకే థమన్ ను తప్పించి.. రెహ్మన్ ను తీసుకుంటున్నారనే టాక్ వినిపిస్తోంది.

Like Us on Facebook : https://www.facebook.com/Tupakidotcom/