ఎక్కడి నుండి వస్తాయో..తెలియదు!

'చిలసౌ'తో యాక్టర్ నుండి దర్శకుడిగా మారిన రాహుల్ రవీంద్రన్ రెండో సినిమాకే నాగార్జున ను డైరెక్ట్ చేసే ఛాన్స్ కొట్టేసాడు. అన్ని కార్యక్రమాలు పూర్తి చేసుకున్న ఈ సినిమా రేపే థియేటర్స్ లోకి రానుంది. ఈ సందర్బంగా తన నెక్ట్ సినిమా గురించి వస్తున్న వార్తలపై రాహుల్ స్పందించాడు.

దగ్గుబాటి అభిరామ్ ను పరిచయం చేస్తూ రాహుల్ డైరెక్షన్ లో సినిమా - ఇద్దరు యంగ్ హీరోలతో రాహుల్ నెక్స్ట్ సినిమా అంటూ ప్రస్తుతం కొన్ని వార్తలు చక్కర్లు కొడుతున్నాయి. అయితే అవన్నీ కేవలం రూమర్స్ అని ప్రెజెంట్ నెక్స్ట్ సినిమాకు ఇంకా స్క్రిప్ట్ రెడీ అవ్వలేదని కొన్ని పాయింట్స్ ఉన్నాయని - సినిమా రిలీజ్ తర్వాత ఒక నెల ట్రిప్ వేసి నెక్స్ట్ సినిమా గురించి ఆలోచిస్తానని చెప్పుకొచ్చాడు రాహుల్.

ఇక 'చిలసౌ' తర్వాత నెక్స్ట్ సినిమాల గురించి మీడియా లో చాలా వార్తలు వచ్చాయని - అందులో నాగార్జున గారితో సినిమా అని రాసారని - ఆ వార్త చూసి నవ్వుకున్నాను. కానీ రెండో వారంలోనే నాగార్జున గారి నుండి కాల్ వచ్చింది.నిజంగా ఆ టైంలో చాలా సప్రయిజ్ ఐయ్యాను. కొన్ని నాకంటే ముందు మీడియాకే తెలుస్తున్నాయని ఆ తర్వాతే నాకు తెలుస్తుందని తన నెక్స్ట్ సినిమాపై క్లియర్ గా క్లారిటీ ఇచ్చేసాడు రాహుల్ రవీంద్రన్.