అతడొక్కడే ఇలియానాకు శరణ్యం

టాలీవుడ్ లో కొంత కాలం వారకు తన హంగామాను కొనసాగించిన ఇలియానా ఎంతగా క్రేజ్ తెచ్చుకుందో ప్రత్యేకంగా చెప్పనక్కర్లేదు. దాదాపు టాలీవుడ్ లో అప్పట్లో ఉన్న యువ హీరోలందరితోను రొమాన్స్ చేసింది. తనకంటు ఓ వర్గం అకాభిమానులను కూడా ఇల్లి దక్కించుకుంది.అయితే మెల్లగా బాలీవుడ్ కి షిఫ్ట్ అయిన ఈ బ్యూటీ అక్కడ పరవాలేదు అనిపించే విధంగా అవకాశాలను అందుకుంటుంది.

కానీ ఈ మధ్య అమ్మడు ఎక్కువగా అజయ్ దేవ్ గన్ తోనే కనిపిస్తుండడం హాట్ టాపిక్ అయ్యింది. అజయ్ తప్ప మరెవరు ఆమెకు ఆఫర్స్ ఇవ్వడం లేదనే టాక్ కూడా వస్తోంది. గత ఏడాది సెప్టెంబర్ లో బాద్షాహో రిలీజ్ అయిన సంగతి తెలిసిందే. అందులో అజయ్ కు జోడిగా నటించిన ఈ సుందరి కెమిస్ట్రీని బాగానే పండించింది. ఎప్పుడు లేని విధంగా చాలా ఘాటుగా కూడా కనిపించింది. ఆ సినిమా కూడా మంచి హిట్ అవ్వడంతో ఈ బ్యూటీకి ఆఫర్స్ వస్తాయని అందరు అనుకున్నారు.

కానీ ఎటువంటి అవకాశం అందకపోవడంతో మళ్లీ అజయ్ ఒక్కడే శరణ్యం అయ్యాడు. అతని లేటెస్ట్ సినిమా ''రైడ్''లో అమ్మడు హీరోయిన్ గా నటించింది. ఇన్ కమ్ టాక్స్ ఆఫీసర్స్ చుట్టూ తిరిగే ఆ కథ నిజ జీవిత ఘటనల నేపథ్యంలో తెరకెక్కింది. ఆ సినిమా ట్రైలర్ ను రీసెంట్ గా చిత్ర యూనిట్ రిలీజ్ చేసింది. ట్రైలర్ లో ఇలియానా లుక్ చాలా సింపుల్ గా ఉంది. 1981 కాలం నాటి కథ కావడంతో ఆ లుక్ కి తగ్గట్టు సారి లో కనిపించింది. ట్రైలర్ అయితే బాగానే ఉంది. మరి సినిమా ఎలా ఉంటుందో చూడాలి.