యూత్ హీరో కుక్కల గోల కాస్త ఎక్కువేనండోయ్

పక్కింటి కుర్రాడిగా కనిపించే యువ హీరో రాజ్ తరుణ్. బేసిగ్గా హీరోకు ఉండాల్సిన లక్షణాలేవీ కనిపించకుండా..పక్కింటి ఆకతాయి కుర్రాడిలా ఉండే ఈ కుర్ర హీరో ఒకటి తర్వాత ఒకటిగా సినిమాలు చేసుకుంటూ పోతున్నాడు. సినిమాల్లో రాజ్ తరణ్ మాటలకు తగ్గట్లే.. రియల్ లైఫ్ లోనూ అతడి మాటలున్న విషయం కాసేపు అతడితో మాట్లాడితే ఇట్టే అర్థమవుతుంది.

ఈ మధ్యనే ‘‘కిట్టు ఉన్నాడు జాగ్రత్త’’ మూవీతో ప్రేక్షకుల ముందుకు వచ్చారు రాజ్ తరుణ్. ఈ సినిమాల్లో కుక్కల్నికిడ్నాప్ చేసే వ్యక్తిగా నటించిన ఈ కుర్ర హీరో రియల్ లైఫ్ లో మాత్రం కుక్కలంటే మహా ఇష్టమట.వైజాగ్ లో ఉన్నప్పుడు కుక్కపిల్లను పెంచుకోవాలని ఉండేదని.. ఆ కోరిక హైదరాబాద్ లో సెటిల్ అయ్యాక కానీ తీరలేదన్నాడు.

ఇంట్లో కుక్క పెంచుకుందామని ఇంట్లో వాళ్లను అడిగితే.. ఇంట్లో ఉన్నావుగా..నువ్వు సరిపోవా?అంటూ ఎటకారం చేసేవారట.అందుకేనేమో.. ఒకటికాదు రెండు కాదు ఇప్పుడు మనోడిఇంట్లో ఏకంగా 13 కుక్కలు ఉన్నాయట. ఆ మాటకు వస్తే.. కుక్కలున్న ఇంట్లోనే రాజ్ తరుణ్ ఉన్నట్లుగా చెప్పుకొచ్చాడు. ఇంట్లో ఉన్న కుక్కలన్నింటిని పెట్టుకొని ఒక ఫోటో దిగాలన్న చిన్న కోరిక ఇప్పటివరకూ తీరలేదని..ఎందుకంటే..తన మాదిరే తనింట్లోని కుక్కలకూ బలుపు ఎక్కువన్నాడు.

ఇక్కడ కూర్చో అని ఆర్డర్ వేస్తే.. ఒక లుక్కు వేసి.. ఊ అని చూసితమ దారిన తాము పోతాయే కానీ తన మాటను అస్సలు పట్టించుకోవంటూ కుక్కల ముచ్చట్లు చెప్పుకొచ్చాడు. కుక్కల్నిమొయింటైన్ చేయటం కష్టమేమీ కాదని..చిన్నగా ఉన్నప్పుడు కాస్త ఎక్కువ కేర్ తీసుకోవాలని..పెద్దవి అయ్యాక ఫర్లేదని..కాకుంటే ఫుడ్ విషయంలో మాత్రం జాగ్రత్తలు తీసుకోవాలన్నాడు.

కుక్కల్నిట్రైయిన్ చేయటం తనకు ఇష్టం ఉండదని.. వాటి ఇష్టం వచ్చినట్లుగా ఉంచేస్తానని..ఒక్కోసారి తాను పిలిచినా లైట్ తీసుకుంటాయే కానీ పట్టించుకోవని చెప్పాడు. కానీ.. తన దగ్గరున్న కుక్కల్లో వేటికైనా చిన్న గాయమైనా తాను విలవిలలాడిపోతానని చెప్పుకొచ్చాడు. కిట్టు ఉన్నాడు జాగ్రత్త మూవీలో తాను పెంచుకున్న కుక్కలు కొన్ని చూడొచ్చని చెప్పాడు. మొత్తానికి కుర్రహీరో కుక్కల ముచ్చట్లు బాగున్నాయి కదూ.

Like Us on Facebook : https://www.facebook.com/Tupakidotcom/