హెబ్బా-రాజ్ ఈసారైనా దారికొస్తారా?

కుర్రహీరో రాజ్ తరుణ్ - హేబ్బా పటేల్ జంట‌గా న‌టించిన `కుమారి 21` బ్లాక్ బ‌స్ట‌ర్ హిట్ సాధించిన సంగ‌తి తెలిసిందే. హిట్ పెయిర్ గా గుర్తింపు వ‌చ్చాక‌.. ఈడోరకం ఆడోరకం- అంధగాడు చిత్రాల్లో జంటగా నటించారు. అయితే ఇవేవీ పెద్దంత‌గా హిట్ కాలేదు. అయితే ఇప్పుడు మ‌రోసారి ఈ కాంబినేష‌న్ రిపీట‌వుతుండ‌డం ఆస‌క్తిని రేకెత్తిస్తోంది.

కొంత గ్యాప్ వ‌చ్చినా.. ఈ కాంబో `ఒరేయ్ బుజ్జిగా` అనే చిత్రంతో రిపీట‌వుతుండ‌డం ప్ర‌స్తుతం యూత్ లో చ‌ర్చ‌కొచ్చింది. ఈ సినిమాలో హెబ్బా రోల్ ఎలాంటిది? ఈసారైనా హిట్ కొడ‌తారా? అన్న చ‌ర్చా సాగుతోంది. నిజానికి ఇందులో హెబ్బా ప‌టేల్ కేవ‌లం రెండో లీడ్ లో క‌నిపించ‌నుంది. రాజ్‌ తరుణ్- మాళవికానాయర్ జంట‌గా ట్రీటివ్వ‌బోతున్నారు. విజ‌య్ కుమార్ కొండా ఈ చిత్రానికి ద‌ర్శ‌క‌త్వం వ‌హిస్తుండ‌గా.. అనుప్ రూబెన్స్ సంగీతం అందిస్తున్నాడు. ఇటు విజయ్ కొండాకి .. అటు రాజ్ తరుణ్- హెబ్బా ల‌కు సరైనా హిట్లు లేకపోవడంతో ఈ సినిమాపైనే వీళ్లంతా ఆశ‌లు పెట్టుకున్నారు.

ఇక హెబ్బా- రాజ్ జోడీ రిపీట‌వుతోంది కాబ‌ట్టి ఈసారైనా హిట్ కొడ‌తారా? `ఒరేయ్ బుజ్జిగా` పైనే చాలా ఆశ‌లు పెట్టుకున్నారు ఆ ఇద్ద‌రూ. అయితే ప్ర‌మోష‌న్స్ కూడా ఆ రేంజులోనే చేస్తే బావుండేది. మ‌రోవైపు `ఒరేయ్ బుజ్జిగా` అనే టైటిల్ చూస్తుంటే మ‌రీ చిన్న పిల్ల‌ల సినిమానా? అని అడుగుతున్నారంతా. ఆ డౌట్స్ రాకుండా ప్ర‌మోష‌న్స్ తో దూసుకెళితేనే ప‌న‌వుతుందేమో!!