యంగ్ హీరోల దాగుడుమూతలు

ఇండస్ట్రీలో హీరోల మధ్య పోటీ ఉంటూనే ఉంటుంది. అదే యంగ్ హీరోలకు అయితే పోటీ ఇంకాస్త ఎక్కువగానే ఉంటుంది. కానీ ఇదే టైంలో కొందరు యంగ్ హీరోలు తమ తోటివారితో జాలీగా ఉండటంతో పాటు ఫ్రెండ్ షిప్ కూడా చేస్తున్నారు. ఏదో సినిమా ఫంక్షన్లలోనే కాకుండా బయట కూడా తమ మధ్య ఉన్న క్లోజ్ నెస్ ఏంటో చెబుతూ అభిమానులకు ఆనందం పంచుతున్నారు.

రీసెంట్ గా హీరోలు నిఖిల్ - రాజ్ తరుణ్ ఓ కొత్త తరహా ట్వీట్లతో సోషల్ మీడియాలో ఫొటోలు షేర్ చేశారు. ఎవరనేది ఠక్కున గుర్తు పట్టడానికి వీల్లేకుండా ఫోన్లను తమ ముఖాలకు అడ్డుగా పెట్టుకుని ఉన్న ఫొటోలు షేర్ చేయడంతో పాటు చిన్న పజిల్ లాంటి ప్రశ్నలు ఫ్యాన్స్ ముందుంచారు. నా ముందెవరున్నారో చెప్పుకోండి అంటూ గోవా ఇంటర్నేషనల్ ఎయిర్ పోర్ట్ లో నిఖిల్ టోపీ పెట్టుకుని ఫోన్ చూసుకుంటున్న ఫొటోను రాజ్ తరుణ్ షేర్ చేశాడు. ఎవరంటూ అభిమాని అడిగిన ప్రశ్నకు తన బెస్ట్ బడ్డీ అంటూ బదులిచ్చాడు. మరోవైపు నిఖిల్ కూడా ఈ సిల్కీ హెయిర్ బోయ్ చెప్పాపెట్టకుండా ఫొటోలు తీసేస్తున్నాడంటూ రాజ్ తరుణ్ ఫొటో ను షేర్ చేశాడు. దీనికి ఓ అభిమాని చేతికి వాచ్ ఉంటే రాజ్ తరుణే అంటూ రిప్లయ్ ఇచ్చాడు.

రాజ్ తరుణ్ రీసెంట్ గా బెలూన్ అనే తమిళ్ మూవీలో నటించాడు. తెలుగమ్మాయి అంజలి హీరోయిన్ గా.. జర్నీ ఫేం జై హీరోగా నటించిన ఈ హర్రర్ మూవీలో ఓ స్పెషల్ రోల్ చేశాడు. ఇప్పటివరకు లవర్ బోయ్ క్యారెక్టర్లే చేస్తూ వచ్చిన రాజ్ తరుణ్ ఈ మూవీలో కొత్తగా కనిపించనున్నాడు.