అంజలి కోసం కుర్ర హీరో కేమియో

తమిళ నాట జై- అంజలి మాంచి పెయిర్. వీరిద్దరి కాంబినేషన్ లో జర్నీ సినిమా రావడమే కాదు.. రియల్ లైఫ్ లో కూడా వీళ్ల మధ్య అనుబంధం ఉందని టాక్. ఆ మధ్య అంజలి కోసం దోశ ఛాలెంజ్ లో కూడా పార్టిసిపేట్ చేశాడు జై. ప్రస్తుతం వీరిద్దరూ కలిసి బెలూన్ అనే మూవీలో కూడా నటిస్తున్నారు.

హారర్ థ్రిల్లర్ జోనర్ లో రూపొందుతున్న ఈ చిత్రంలో.. ఓ కీలకమైన రోల్ ఉంటుందట. ఈ బెలూన్ ను తెలుగులోకి కూడా డబ్బింగ్ చేసే యోచన ఉన్న దర్శకుడు సినీష్.. ఆ కీలకమైన రోల్ ను చేయమని రాజ్ తరుణ్ అడిగాడట. ఇలాంటి కేమియోల విషయంలో ఏ మాత్రం తడబడని కుర్ర హీరో.. వెంటనే అంగీకరించడమే కాదు.. ఇప్పటికే షూటింగ్ కూడా ఫినిష్ చేసేసినట్లు తెలుస్తోంది. చెన్నై వెళ్లి.. కేవలం ఒక్క రోజులోనే తన కేమియోకి సంబంధించిన వర్క్ పూర్తి చేసి వచ్చాడట రాజ్ తరుణ్.

ఇటు కిట్టుగాడు ఉన్నాడు జాగ్రత్త మూవీ సక్సెస్ ను ఎంజాయ్ చేస్తూనే.. అటు ప్రొఫెషనల్ గా వచ్చే ఆబ్లిగేషన్స్ కూడా హ్యాండిల్ చేసేస్తున్నాడు రాజ్ తరుణ్. గతంలో నాని మూవీ 'మజ్ను'లోను.. హేభా పటేల్ మూవీ 'నాన్న నేను నా బాయ్ ఫ్రెండ్స్'లోను కేమియోలు చేశాడు రాజ్ తరుణ్. ఇప్పుడు తమిళ్ బెలూన్ లో కేమియో చేసి అందరినీ ఆశ్చర్యపరిచేశాడు.

Like Us on Facebook : https://www.facebook.com/Tupakidotcom/