సౌందర్య సినిమా రీమేక్ లో రాజ్ తరుణ్ ?

కుమారి 21 ఎఫ్ సూపర్ సక్సెస్ అయినప్పుడు రాజ్ తరుణ్ డిమాండ్ అంతా ఇంతా కాదు. ఓ రేంజ్ లో తనకొచ్చిన ఫేం ని ఎంజాయ్ చేసాడు. ఆ తర్వాత కూడా ఓ రెండు మూడు మంచి విజయాలు దక్కాయి కాని రెండేళ్ళ నుంచి కుర్రాడి గ్రాఫ్ ఏమంత బాగా లేదు. వరస పరాజయాలు క్యు కట్టి పలకరిస్తున్నాయి. ఎవరితో చేసినా ఫలితం మారడం లేదు. గత ఏడాది ఏకంగా మూడు డిజాస్టర్స్ అందుకోవడం ఏ అప్ కమింగ్ హీరోకైనా ఇబ్బంది కలిగించేదే.

తాజాగా రాజ్ తరుణ్ గత కొంత కాలంగా సక్సెస్ లేక గ్యాప్ తీసుకున్న దర్శకుడు విజయ్ కుమార్ కొండాతో ఓ సినిమా చేయబోతున్నట్టు ఫ్రెష్ అప్ డేట్. ఇది అఫీషియల్ గా చెప్పలేదు కాని చర్చ జరుగుతున్నట్టు తెలిసింది. ట్విస్ట్ ఏంటంటే ఇందులో నిత్య మీనన్ హీరొయిన్ గా సెలెక్ట్ అయినట్టు మరో టాక్ తోడయ్యింది. నిత్య మీనన్ విజయ్ కుమార్ దర్శకత్వంలో ఫస్ట్ మూవీ గుండె జారి గల్లంతయ్యిందే చేసింది. అది నితిన్ కు పెద్ద బ్రేక్ ఇచ్చిన సంగతి తెలిసింది.

అయితే రాజ్ తరుణ్ కు జోడిగా తను మ్యాచ్ కాదనే సందేహం కలగడం సహజం. కాని కథ ప్రకారం హీరొయిన్ కన్నా చిన్న వయసు ఉన్నవాడి మధ్య లవ్ స్టొరీగా ఇది ఉంటుందట. గతంలో సౌందర్య హీరొయిన్ గా ఇలాంటి లైన్ తోనే ఆరో ప్రాణం అనే సినిమా వచ్చింది. మంచి హిట్ కూడా. వినీత్ హీరోగా చేసాడు. ఇప్పుడు రాజ్ తరుణ్-విజయ్ ల లైన్ వింటూ ఉంటె అదే ఫ్లాష్ అవుతోంది. కొన్ని మార్పులు చేర్పులతో దాన్నే రీమేక్ చేస్తున్నారో ఏమిటో