రంగుల రాట్నానికి ఆ స్కోప్ చాలు

టాలీవుడ్ కు అత్యంత ముఖ్యమైన సంక్రాంతి సీజన్ వచ్చేసింది. ఈసారి ప్రేక్షకుల ముందుకొచ్చే సినిమాలేంటన్నది క్లారిటీ వచ్చేసింది. పవర్ స్టార్ పవన్ కళ్యాణ్ అజ్ఞాతవాసి - బాలకృష్ణ జై సింహ సినిమాలతో పాటు తమిళ హీరో సూర్య డబ్బింగ్ మూవీ గ్యాంగ్ థియేటర్లకు రానున్నాయి. వీటితోపాటు లోబడ్జెట్ లో తెరకెక్కిన రాజ్ తరుణ్ మూవీ రంగులరాట్నం కూడా ఇదే టైంలో వస్తోంది.

ఇన్ని పెద్ద సినిమాల మధ్య రంగులరాట్నం రిలీజ్ చేస్తున్నా అది పెద్ద రిస్కేమీ కాదని అంటున్నాడు ఆ సినిమా హీరో రాజ్ తరుణ్. సంక్రాంతి అనేది పెద్ద పండగని.. ఈ టైంలో ఏ మూవీ బాగున్నా అన్నింటికీ కలెక్షన్లు బాగానే వస్తాయంటున్నాడు. ‘‘సంక్రాంతికి ఆ స్కోప్ ఉంటుంది. మూడు సినిమాలు రిలీజయినా నాలుగో సినిమాకు అవకాశం ఉంటుంది. ఆ విషయం లాస్ట్ ఇయర్ ప్రూవ్ అయింది కూడా. రెండు పెద్ద సినిమాలతో పాటు శతమానం భవతి వచ్చింది. మూడు సినిమాలూ పెద్ద హిట్లయ్యాయి. అజ్ఞాతవాసి - జై సింహా పెద్ద సినిమాలు. వాళ్లిద్దరి రేంజ్ వేరే. రంగులరాట్నం చిన్న సినిమా. ఫ్యామిలీ ఓరియంటెడ్ గా ఉంటుంది’’ అంటూ తన సినిమా గురించి చెప్పుకొచ్చాడు హీరో రాజ్ తరుణ్.

అన్నపూర్ణ స్టూడియో నిర్మిస్తున్న రంగులరాట్నం సినిమాను శ్రీరంజని ఈ సీజన్ మా సినిమా ఒక్కటే కాదు.. రిలీజైన అన్ని సినిమాలు హిట్ కావాలని కోరుకుంటున్నా. ఈ సినిమాతో చిత్ర శుక్లా అనే కొత్తందం తెలుగు తెరకు పరిచయం అవుతోంది. తాను నటించిన రాజుగాడు మూవీ షూటింగ్ పూర్తయిందని.. త్వరలోనే రిలీజవుతుందని రాజ్ తరుణ్ అంటున్నాడు. అంతకన్నా వెనుక మొదలెట్టిన రంగులరాట్నం ముందే వస్తుంటే రాజుగాడు ఎందుకు డిలే అయ్యిందో మాత్రం చెప్పలేదు.