రాజ్ తరుణ్ ఇక అలా నటించడట

టాలీవుడ్ యంగ్ హీరోల్లో రాజ్ తరుణ్ చాలా అంటే చాలా స్పీడ్ గా సినిమాలు పూర్తి చేసేసేవాడు. కొన్ని ఇబ్బందుల కారణంగా ఇప్పుడు స్లో అయినా.. ఈ హీరోకి సక్సెస్ రేట్ బాగా ఎక్కువ. అందుకే రాజ్ తరుణ్ తో సినిమాల కోసం నిర్మాతలు క్యూ కట్టేస్తుంటారు. అయితే.. సమ్మర్ లో వచ్చిన ఈడోరకం ఆడో రకం మూవీ తర్వాత.. రాజ్ తరుణ్ సినిమా ఏదీ రిలీజ్ కాలేదు.

కానీ మధ్యలో ఈ హీరో రెండు కేమియోలు చేశాడు. నాని నటించిన మజ్ను.. హేభాపటేల్ మూవీ 'నాన్న నేను నా బాయ్ ఫ్రెండ్స్' లో క్లైమాక్స్ లో వచ్చే పెళ్లి కొడుకు పాత్రల్లో అలరించాడు. అయితే.. ఈ కేమియోలు ఆయా సినిమాలకు హెల్ప్ అయ్యామో కానీ.. రాజ్ తరుణ్ కు మాత్రం కొంచెం కూడా గుర్తింపు తెచ్చిపెట్టలేకపోయాయి. దీంతో ఇలాంటి రోల్స్ విషయంలో కఠిన నిర్ణయం తీసుకున్నాడట రాజ్ తరుణ్. ఫ్రెండ్ షిప్ కోసమో.. మొహమాటాల కోసం ఇకపై అలాంటి కేమియో రోల్స్ లో నటించకూడదని ఫిక్స్ అయ్యాడట.

ప్రస్తుతం రాజ్ తరుణ్ ఒకే సారి మూడు సినిమాల్లో నటించేస్తున్నాడు. కిట్టుగాడు ఉన్నాడు జాగ్రత్త అనే సినిమాలో కుక్కల కిడ్నాపర్ గా నటిస్తుండగా.. అందగాడు అనే మూవీలోను.. లేడీ డైరెక్టర్ సంజన దర్శకత్వంలోను సినిమాలు చేస్తున్నాడీ కుర్ర హీరో.

Like Us on Facebook : https://www.facebook.com/Tupakidotcom/