కుమారి కుర్రోడి కొత్త సినిమా వస్తోంది

టాలీవుడ్ లో పల్లెటూరి బ్యాక్ డ్రాప్ తో సినిమా వచ్చి చాలా రోజులే అయింది. ఇప్పుడిప్పుడే స్టార్ స్టేటస్ సంపాదించుకుంటున్న రాజ్ తరుణ్ మొదటి సినిమా ఉయ్యాలా జంపాలా తర్వాత మళ్లీ అలాంటి మూవీ రాలేదనే చెప్పాలి. ఇప్పుడు మరోసారి అలాంటి క్యూట్ లవ్ స్టోరీతో.. మరోసారి రాజ్ తరుణ్ ప్రేక్షకుల ముందుకి వస్తున్నాడు.

సీతమ్మ అందాలు రామయ్య సిత్రాలు టైటిల్ తో రూపొందిన మూవీ టీజర్ రిలీజ్ అయింది. రాజ్ తరుణ్ - అర్తనా జంటగా నటించిన ఈ సినిమా.. పక్కా పల్లెటూరి బ్యాక్ డ్రాప్ రూపొందింది. సీతామాలక్ష్మిని ప్రేమించే కుర్రాడిగా రాజ్ తరుణ్ చాలా బాగున్నాడు. "నాది మీకులా నెట్ ఉన్నప్పుడు కనెక్ట్ అయ్యి, అది పోగానే డిస్కనెక్ట్ అయ్యే యూత్ లవ్ స్టోరీ కాదురా.. చిన్నప్పటి స్వీట్ లవ్ స్టోరీ " అంటూ మూవీ కాన్సెప్ట్ ఏంటో చెప్పకనే చెప్పాడు రాజ్ తరుణ్.

ఇప్పటికే పోస్ట్ ప్రొడక్షన్ వర్క్స్ పూర్తి చేసుకున్న ఈ సినిమా.. రిలీజ్ కు రెడీ అయిపోతోంది. ప్రస్తుతం హ్యాట్రిక్ హిట్స్ తో ఊపు మీదున్న రాజ్ తరుణ్ అదే స్పీడ్ ని ఈ సినిమాతోనూ కంటిన్యూ చేస్తాడనే అంచనాలున్నాయి. గవిరెడ్డి శ్రీనివాస్ దర్శకత్వంలో రూపొందిన "సీతమ్మ అందాలు.. రామయ్య సిత్రాలు"పై టీజర్ తర్వాత ఇండస్ట్రీలో అంచనాలు మరింతగా పెరిగాయి.