రంగులరట్నం కూడా సంక్రాంతికే

ఉయ్యాల జంపాల సినిమాతో పరిచయం అయిన రాజ్ తరుణ్ మొదటి సినిమానే ప్రముఖ అన్నపూర్ణ స్టూడియోస్ లో చేయడం నిజంగా అదృష్టమే అని చెప్పాలి. ఈ మధ్య కాలంలో అక్కినేని ఫ్యామిలీ తప్ప ఆ ప్రొడక్షన్ లో ఇతర స్టార్ హీరోల సినిమాలు తెరకెక్కడం చూడలేదు. కానీ కుర్ర హీరో మాత్రం అక్కినేని హోమ్ బ్యానర్ లో నటించి మంచి హిట్ కొట్టాడు. అయితే మరో సారి కూడా అదే బ్యానర్ లో నటించి మరో హిట్టు కొట్టాలని రెడీ అయ్యాడు.

ఫైనల్ గా రాజ్ తరుణ్ ఈ సంక్రాంతి కి రంగులరట్నం అనే సినిమాను రిలీజ్ చేయబోతున్నాడు. అన్నపూర్ణ స్టూడియోస్ లో తెరకెక్కిన ఈ సినిమా ఇప్పటివరకు ఎలాంటి సందడి చేయ లేదు గాని రేపటి నుంచి ప్రమోషన్స్ చేయడానికి సిద్ధమవుతోంది. సినిమాలో రాజ్ తరుణ్ సరసన చిత్ర శుక్ల నటిస్తోంది. ఇక శ్రీ రంజని సినిమాకు దర్శకత్వం వహిస్తున్నారు. అయితే రాజ్ తరుణ్ గత సినిమాలు పెద్దగా సక్సెస్ కాలేదు. దీంతో ఈ సారి ఎలాగైనా హిట్ కొట్టాలని చూస్తున్నాడు.

కానీ రాజ్ తరుణ్ ఎంత వరకు విజయం సాధిస్తాడు అనే విషయం పక్కన పెడితే..అతనికి పోటీగా స్టార్ హీరోల సినిమాలు గట్టి పోటీని ఇస్తాయి అనడంలో ఎలాంటి సందేహం లేదు. పవన్ కళ్యాణ్ - అజ్ఞాతవాసి అలాగే బాలక్రిష్ణ జై సింహా సినిమాలు సంక్రాంతికే సందడి చేయనున్న సంగతి తెలిసిందే. మరి స్టార్ హీరోలతో రాజ్ తరుణ్ ఎంతవరకు పోటీ పడతాడో చూడాలి.