కుర్ర హీరోకి మూడు సినిమాల కాంట్రాక్ట్

హిట్స్ పరంగా చూస్కుంటే రాజ్ తరుణ్ ఇప్పుడు మంచి ఫామ్ లోనే ఉన్నాడు. చేసిన 5 సినిమాల్లో 4 హిట్ కావడంతో ట్రాక్ రికార్డ్ బాగానే ఉంది. కానీ బిహేవియర్ పరంగా డిఫరెన్సులు రావడంతో పెద్ద నిర్మాతల ఆఫర్లు చేతికొచ్చినట్లే వచ్చి జారిపోయాయి. దీంతో కుర్రాడి ఫ్యూచర్ ప్రాజెక్ట్స్ ఏంటా అనే టైంలో.. ఇప్పుడు వరుసగా ఒకే సంస్థకు మూడు సినిమాలు చేసేందుకు సైన్ చేసి ఆశ్చర్యంలో ముంచెత్తాడు.

ఏకే ఎంటర్టెయిన్మెంట్స్ సంస్థ.. రాజ్ తరుణ్ తో మూడు సినిమాల డీల్ కుదుర్చుకుంది. ఇందులో మొదటి సినిమాగా ఇప్పటికే వంశీకృష్ణ అనే దర్శకుడితో ఓ సినిమా చేస్తున్నారు. గతంలో ఇతను దొంగాట అనే చిత్రాన్ని తెరకెక్కించాడు. ఇక రెండో చిత్రాన్ని ఓ తమిళ్ డైరెక్టర్ రూపొందించనుండగా.. మూడో ప్రాజెక్టు డిసైడ్ కావాల్సి ఉంది. అయితే.. ఈ కాంట్రాక్టు ఒప్పుకున్నందుకు గాను రెమ్యూనరేషన్ కూడా భారీగానే ముట్టిందనే టాక్ వినిపిస్తోంది.

రాజ్ తరుణ్ కి సాధారణంగా దక్కే రెమ్యూనరేషన్ తో పాటు ఓ విల్లాను కూడా గిఫ్ట్ గా పొందాడనే టాక్ వినిపిస్తోంది. ఏమైనా 3 సినిమాల డీల్ కుదుర్చుకోవడం ద్వారా.. ప్రస్తుతం రాజ్ తరుణ్ మంచి డెసిషన్ తీసుకున్నాడని అంటున్నారు. కెరీర్ లో గ్యాప్ రాకుండా వరుసగా సినిమాలు చేసే అవకాశం ఉండడమే ఇందుకు కారణంగా చెప్పచ్చు.