డిజె కోసం బాబా వేషం వేశాడు

సినిమా థియేటర్ కు వెళ్ళి సినిమా చూస్తే ఉండే కిక్ ఏ సాటి సినిమా అభిమానిని అడిగిన చెబుతాడు. అందులోనూ మన అభిమాన నటుడి సినిమా వెండి తెరపై చూడటం అంటే ఏ అభిమానికి మాత్రం ఇష్టం ఉండదు. మనం అయితే సినిమాకు వెళ్ళి చక్కగా టికెట్ కొన్ని వెళ్ళి బిందాస్ గా సినిమా చూస్తాము. మరి సినిమా స్టార్స్ అయితే అలా వెళ్ళడం కష్టం కదా - వాళ్ళు మనం చూసే థియేటర్లో వచ్చి చూస్తే వాళ్ళని సినిమా చూడనిస్తారా జనాలు. అందుకే వాళ్ళు అప్పుడుప్పుడు ఇలాంటి ఆనందాలను పొందడానికి వేషాలు వేసుకొని వెళ్ళి మరి చూస్తూ ఉంటారు. ఇప్పుడు డిజె దువ్వాడ జగన్నాథమ్ సినిమాకు ఒక యంగ్ హీరో అలానే చూశాడు.

యంగ్ హీరో రాజ్ తరుణ్ కు సినిమాలు అంటే ఎంత పిచ్చి ఉందో మీకు తెలుసు కదా. అతను ఇప్పుడు అమలాపురంలో షూటింగ్ చేసుకుంటున్నాడు తన రాబోతున్న సినిమా కోసం. మరి నిన్న దువ్వాడ జగన్నాధం సినిమా విడుదలైంది కదా, మొదటి రోజు మొదటి ఆట చూడాలని షూటింగ్ మధ్యలో బ్రేక్ తీసుకొని బాబా వేషం వేసి థియేటర్ కు వెళ్ళి సినిమా చూశాడట. రాజ్ తరుణ్ కు ఇప్పుడు గోదావరి జిల్లాలో మంచి ఫాలోయింగ్ ఉంది. మామూలుగా వెళ్తే మనవాళ్లు గుర్తు పడతారుని గెడ్డం పెట్టుకొని యంగ్ యోగి బాబా లాగా వెళ్ళాడు. సినిమాను పూర్తిగా ఎంజాయ్ చేసి తన ప్లాన్ ఎంత విజయవంతం అయిందో అతను ఎంతలా ఎంజాయ్ చేశాడో తానే స్వయంగా వివరించాడు. అది సంగతి.

తన సినిమాల విషయానికొస్తే.. అంధగాడు సినిమా తన ముందు సినిమాలతో పోల్చి చూస్తే ఏదో ఆడింది కానీ ఏమి లాభం లేదు అనే ధోరణిలో పోయింది. ఇప్పుడు మరింత ఉత్తేజంతో ఇంకో కొత్త కథకు ఓకే చెప్పాడు. ఈ సినిమా షూటింగ్ కూడా ఇప్పుడు జరుగుతుంది. ఇవే కాకుండా మరికొన్ని సినిమాలు కూడా లైన్లో ఉన్నాయి.

Like Us on Facebook : https://www.facebook.com/Tupakidotcom/