ఆ రెండు హిట్లతో మ్యాచ్ అవ్వాలబ్బాయ్

ఒక సినిమా వదిలేసుకుంటే.. ఖచ్చితంగా ఆ సినిమా హిట్టయినప్పుడు దాని ప్రభావం సదరు హీరో చేసే తదుపరి సినిమాపై పడుతుంది. ఇప్పటికే టీజర్లతో ఇంప్రెస్ చేసిన రాజ్ తరుణ్‌ రాబోయే సినిమాపై అలాంటి ప్రభావమే ఉంది. పదండి మ్యాటర్ ఏంటో చూద్దాం.

నిజానికి ఈ మధ్య కాలంలో వచ్చిన రెండు పెద్ద హిట్స్ కూడా రాజ్ తరుణ్‌ చేయాల్సిన సినిమాలే. ఒకటి తనకు 'సినిమా చూపస్త మావ' సినిమాతో పెద్ద హిట్ ఇచ్చిన దర్శకుడు త్రినాథరావు నక్కినతో మనోడు మరో సినిమా చేయాల్సి ఉంది. చివరకు డేట్లు సెట్టవ్వకపోవడంతో.. అదే కథను నానితో ''నేను లోకల్'' అంటూ తీశారు. కట్ చేస్తే అంతకంటే ముందే దిల్ రాజు క్యాంపులో శతమానం భవతి సినిమాను చేయాల్సి ఉంది. దానిని కూడా రాజ్ తరుణ్‌ వదులుకోవడంతో.. ఆ సినిమాను శర్వానంద్ చేసేశాడు. ఈ రెండు సినిమాలూ కూడా ఆయా హీరోల కెరియర్లలో పెద్ద పెద్ద హిట్లు. అందుకే ఇప్పుడు రాజ్ తరుణ్‌ పై ప్రెజర్ పెరిగిపోయింది.

ఇప్పుడు రిలీజ్ అవుతున్న కిట్టు ఉన్నాడు జాగ్రత్త సినిమా కూడా ఈ రెండు కథలు రేంజులో.. ఇంకా చెప్పాలంటే ఓ మెట్టు ఎక్కువగానే హిట్టు కొట్టాలి. అపు్పడే కదా ఆ సినిమాలను వదిలేసుకున్నా కూడా ఒక రేంజులో కొట్టాడులే మనోడు అంటారు. మరి ఆ రెండు హిట్లతో మ్యాజ్ అయ్యే రేంజులో కొట్టడానికి మనోడు రెడీనా?

Like Us on Facebook : https://www.facebook.com/Tupakidotcom/