ఫోటో స్టోరి: మెగాస్టార్ విలన్ తో రాజ్ తరుణ్

వరుస పెట్టి సినిమాలు చేస్తూ.. వరుసగా హిట్స్ కొట్టేస్తూ కుర్ర హీరో రాజ్ తరుణ్ మంచి జోరు మీదున్నాడు. ఒకేసారి రెండు-మూడు సినిమాలను సెట్స్ మీదకు తీసుకెళ్లగల సత్తా ఉన్న అతి తక్కువమంది హీరోల్లో ఈ కుర్రాడు కూడా ఒకడు. ప్రస్తుతం వంశీకృష్ణ దర్శకత్వంలో రూపొందుతున్న సినిమా కోసం.. బాలీవుడ్ కండల వీరుడు సల్మాన్ ఖాన్ తమ్ము అర్బాజ్ ఖాన్ ను తీసుకొచ్చాడు.

అర్బాజ్ తెలుగోళ్లకు కొత్తేమీ కాదు. ఓ దశాబ్దం క్రితమే మెగాస్టార్ చిరంజీవి మూవీ జై చిరంజీవలో విలన్ గా నటించాడు. ఆ తర్వాత మళ్లీ ఇప్పుడు ఓ తెలుగు సినిమాకి సైన్ చేశాడు సల్మాన్ తమ్ముడు. 'అను ఇమాన్యుయేల్.. అర్బాజ్ ఖాన్ లతో కలిసి సెట్స్ పై ఉన్నా. అర్బాజ్ భాయ్.. నీతో కలిసి వర్క్ చేయడం చాలా సంతోషంగా ఉంది. నువ్వు బాగా కూల్ గురూ' అంటూ.. పోస్ట్ చేశాడు రాజ్ తరుణ్. హీరోయిన్ అను ఇమ్మాన్యుయేల్ తీస్తున్న సెల్ఫీలో రాజ్ తరుమ్- అర్బాజ్ ఖాన్ లు వెనక నుంచి మంచి పోజిచ్చారులెండి.

మొదట ఈ పాత్ర కోసం గోవిందాను అడగ్గా.. అతడు తన రోల్ ని ఇంకా పెంచితే సైన్ చేస్తానని చెప్పినట్లు ఓ టాక్ ఉంది. ఆ తర్వాత అర్బాజ్ ఖాన్ ని అడగడం.. ఆ బాలీవుడ్ నటుడు సైన్ చేయడం.. ఇప్పుడు షూటింగ్ లో పాల్గొనడం వరుసగా జరిగిపోయాయి.