తారకరత్న కొత్త ట్రైలర్ వచ్చింది

ఇప్పటిదాకా కెరీర్లో ఒక్కటంటే ఒక్క సక్సెస్ కూడా అందుకోలేదు నందమూరి తారకరత్న. కానీ అతడి పేరు వినగానే జనాల్లో ఒక రకమైన ఆసక్తి రేకెత్తుతుంది. ఇంతకుముందు హీరోగానే తన అదృష్టాన్ని పరీక్షించుకుంటూ వచ్చిన తారకరత్న.. మధ్యలో విలన్ అవతారమూ ఎత్తాడు. అప్పుడెప్పుడో ‘అమరావతి’ అనే సినిమాలో విలన్ పాత్రతో నంది అవార్డు కూడా అందుకున్నాడు. గత ఏడాది ‘రాజా చెయ్యి వేస్తే’ అనే సినిమాలోనూ విలన్ పాత్ర పోషించాడు. ఈ రెండు సినిమాలూ ఆడకపోయినా.. తారకరత్నకు పేరు తెచ్చిపెట్టాయి. ఇప్పుడు ఈ నందమూరి హీరో మరోసారి విలన్ అవతారంలో కనిపించబోతున్నాడు. ఆ సినిమా పేరు.. రాజా మీరు కేక.

‘రాజా మీరు కేక’లో తారకరత్న ఓ బడా బాబుగా కనిపిస్తున్నాడు. అన్యాయాలు అక్రమాలతో పెద్ద సామ్రాజ్యాన్ని విస్తరించిన బిజినెస్ మ్యాన్ పాత్ర పోషిస్తున్నాడు తారకరత్న. అతడి వల్ల ముగ్గురు కుర్రాళ్ల జీవితాలు తల్లకిందులవుతాయి. ఆ ముగ్గురు కుర్రాళ్లు అతణ్ని టార్గెట్ చేసి అతడి జీవితంతో ఎలా ఆడుకున్నారనే కథాంశంతో ఈ చిత్రం తెరకెక్కుతోంది. ‘ఇంటింటా అన్నమయ్య’ సినిమాతో కథానాయకుడిగా పరిచయం కావాల్సిన రోహిత్ ఆ ముగ్గురు కుర్రాళ్లలో ఒకడిగా నటిస్తున్నాడు. నోయల్.. హేమంత్ మిగతా ఇద్దరు కుర్రాళ్లు. యాంకర్ లాస్య ఒక కీలక పాత్ర చేస్తోంది. ‘గుంటూరు టాకీస్’ నిర్మాతలు ఈ చిత్రాన్ని ప్రొడ్యూస్ చేయగా.. కృష్ణ కిషోర్ అనే కొత్త దర్శకుడు డైరెక్ట్ చేశాడు. మరి ఈ సినిమా అయినా తారకరత్న‌కు విజయాన్నందిస్తుందేమో చూడాలి.



Like Us on Facebook : https://www.facebook.com/Tupakidotcom/