ఫస్ట్ లుక్: ప్రామిసింగ్ గా ఉన్నాడే

రవితేజ ఎట్టకేలకు మళ్లీ సెట్స్ పైకి వచ్చేశాడు. షూటింగ్ లు మొదలుపెట్టేశాడు. తన స్టైల్ లో తన స్పీడ్ కి తగ్గట్లుగా ఒకేసారి రెండు సినిమా షూటింగులు ప్రారంభించేసి.. తన ఎనర్జీ ఏ మాత్రం తగ్గలేదని ప్రూవ్ చేసుకున్నాడు. ఏడాదికి పైగా వెకేషన్స్ తో ఎంజాయ్ చేసినా.. రెండు రోజుల గ్యాప్ లో రెండు సినిమాలు మొదలుపెట్టేశాడు మాస్ మహరాజ్.

టచ్ చేసి చూడు.. రాజా ది గ్రేట్ అనే మూవీలను ప్రారంభించగా.. రాజా ది గ్రేట్ చిత్రంలో గుడ్డివాడి పాత్రలో నటించనున్నాడు ఈ హీరో. ఇప్పుడీ చిత్రానికి ఫస్ట్ లుక్ రిలీజ్ చేశాడు దర్శకుడు అనిల్ రావిపూడి. దీనికి దగ్గరగా ఉండే లుక్ ని టైటిల్ పక్కన ఫస్ట్ పోస్టర్ లో కూడా పెట్టారు కానీ.. అది కేవలం సిల్హౌట్ మాత్రమే. ఇప్పుడు మాత్రం రవితేజను అంధుడిగా.. నల్ల కళ్లజోడు.. చేతిలో కర్రతో చూపించారు. అలాగే ఈ ఏడాది పాటు వర్కవుట్స్ చేసి రవితేజ పెంచిన మజిల్స్ ప్రభావం కూడా ఈ ఫస్ట్ లుక్ లో కనిపిస్తోంది.

పోస్టర్ తోనే మంచి ప్రామిసింగ్ మూవీ అనే ఫీల్ తీసుకొచ్చేశాడు రవితేజ. మొత్తానికి రామ్ నుంచి ఎన్టీఆర్ కు.. యంగ్ టైగర్ నుంచి రవితేజ చేతికి వచ్చిన ఈ మాస్ ఎంటర్టెయినర్.. మాస్ మహరాజ్ హీరోగా సెట్స్ పైకి వెళ్లినట్లయింది.

Like Us on Facebook : https://www.facebook.com/Tupakidotcom/