రాజా ది గ్రేట్ టైటిల్ సాంగ్

టాలీవుడ్ మాస్ మహారాజా రవితేజ కెరీర్ మొదలు పెట్టినప్పటి నుండి ఎన్నో వైవిద్యమైన పాత్రలతో అలరించాడు. తనకంటూ సినిమా పరిశ్రమలో ఓ గుర్తింపు తెచ్చుకున్నాడు. అయితే గత కొంత కాలంగా రవి తేజ అపజయాలతో సతమతమవుతున్నాడు. ఎప్పుడైనా సరే రవితేజా రెండు సినిమాలు అపజయాన్ని ఇస్తే మూడో సినిమాతో పక్కా హిట్ కొట్టేవాడు.. కానీ ప్రస్తుత రోజుల్లో అయిదారు సినిమాలు తీసిన హిట్ అందుకోవడం లేదు. అయితే ఈ సారి ఎలాగైనా హిట్ కొట్టాలని ఒక డిఫరెంట్ కథతో రాబోతున్నాడు. "రాజా ది గ్రేట్" అనే సినిమా ద్వారా రాబోతున్నాడు.

కెరీర్ లో ఎన్నడు చేయని ఒక బ్లైండ్ క్యారెక్టర్ లో కనిపించబోతున్నాడు రవితేజ. అనిల్ రావిపూడి దర్శకత్వంలో తెరకెక్కుతున్న ఈ సినిమాని దిల్ రాజు నిర్మిస్తున్నాడు. అయితే చిత్ర యూనిట్ రీసెంట్ గా ఈ సినిమా లో సాయికార్తీక్ కంపోజ్ చేసిన టైటిల్ సాంగ్ రిలీజ్ చేశారు. ఇప్పటికే టీజర్ రిలీజ్ తో అందరిని అక్కట్టుకున్న ఈ సినిమా ఇప్పుడు ఈ లిరిక్స్ సాంగ్స్ తో మరింత ఆకట్టుకుంది. ''రాజా రాజా రాజా ది గ్రేటురా.. నువ్వు తళతళా టూ తౌజెండ్ నోటురా'' అంటూ పాట బాగానే సాగింది. మధ్యలో నువ్వు కళ్ళు లేనోడివి అని ఎవరో అంటే.. 'నోర్మూయ్ ఆ టాపిక్ లేకుండా పాడలేవా?' అంటూ రవితేజ తనదైన వాయిస్ తో అదరగొట్టాడు.

రవితేజ - రేవంత్ మరియు సాకేత్ పాడిన ఈ పాటకు సాయి కార్తీక్ మంచి బాణీనే అందించాడు. హీరో క్యారెక్టర్ ను పరిచయం చేసేలా ఈ పాట ఉన్నట్లు తెలుస్తోంది. పాత్రకు తగ్గట్టు అర్దాన్ని చెప్పేట్టు శ్యామ్ కాసర్ల చాలా చక్కగా పాటను రచించారు. ప్రస్తుతం ఈ సినిమా షూటింగ్ చివరి దశలో ఉంది. ఇక రవితేజ సరసన హీరోయిన్ గా మెహ్రీన్ పీర్జాద నటిస్తోంది. దీపావళి కానుకగా దిల్ రాజు సినిమాను విడుదల చేసేందుకు ప్రయత్నాలు చేస్తున్నట్లు తెలుస్తోంది.