రాజమౌళి.. శంకర్.. ఎగ్రిమెంట్‌ అంతే

కమర్షియల్‌ సినిమాల్లో కొత్త ఒరవడిని సృష్టించిన డైరక్టర్లలో శంకర్‌ టాప్‌. ఇకపోతే కొత్త జనరేషన్‌ కు యాక్షన్ సినిమాలంటే ఇలా ఉండాలి అంటూ దశానిర్ధేశం చేసినవారిలో రాజమౌళి అగ్రజుడు. ఇక వీళ్లిదద్దరితో ఎవరితో సినిమా చేయాలన్నా కూడా ఎగ్రిమెంట్‌ మాత్రం కంపల్సరీ. పదండి ఆ లెక్క ఏంటో చూద్దాం.

శంక‌ర్ దర్శ‌క‌త్వంలో తెర‌కెక్కుతున్న 2.0లో విల‌న్ క్యారెక్ట‌ర్‌ లో న‌టిస్తున్నాడు హీరో అక్షయ్‌ కుమార్‌. ఈ మూవీలో మీ క్యారెక్ట‌ర్ ఏంటి అని ప్ర‌శ్నిస్తే అక్కీ మాత్రం పెద‌వి విప్ప‌డం లేదు. అమ్మో! ఆ విష‌యం లీక్ చేస్తే ఇంకేమైనా ఉందా? ఆ రైట్స్ నాక్కూడా లేవ్అంటూ మాట దాట‌వేశాడు. దీన్నిబ‌ట్టి రోబో శంక‌ర్ ఎంత క‌ఠినంగా వ్య‌వ‌హ‌రిస్తున్నారో అర్థం చేసుకోవ‌చ్చు. సేమ్‌ రాజమౌళి తీస్తున్న బాహుబలి 2 లో నటిస్తున్న కొందరు నటీనటులు కూడా ఇంతే. దేని గురించి అడిగినా కూడా చేస్తున్నాం అంటున్నారే కాని డిటైల్‌ మాత్రం చెప్పట్లేదు. రెండో పార్టులో కూడా అనూహ్యంగా ప్లేస్‌ సంపాదించిన తమన్నా ఉంది చూశారూ.. నేను 2 పార్టులో ఉన్నా అని కూడా చెప్పకూడదు.. కాని చెప్పకతప్పలేదు.. ఇతర డిటైల్స్‌ ఆడగకండి బాబోయ్‌ అనేసింది.

ఇంతకీ మ్యాటర్‌ ఏంటంటే.. ఈ శంకర్‌-రాజమౌళిలో తమ నటీనటులతో ఎగ్రిమెంట్లు సైన్‌ చేయిస్తున్నారట. నాన్‌ డిస్క్లోజర్‌ ఎగ్రిమెంట్‌ సైన్‌ చేశాక.. ప్రాజెక్టు గురించి ఏ మాత్రం పెదవి విప్పినా అది డేంజరే.